ໃນຕອນເຊົ້າວັນທີ 19 ທັນວາ 2023 ໄດ້ມີພິທີເປີດນໍາໃຊ້ຮູບຈໍາລອງແຄນລາວຢ່າງເປັນທາງການ ທີ່ເທດສະບານເມືອງໃໝ່ ແຂວງຜົ້ງສາລີ.
[metaslider id=”150313″]
ໃນໂອກາດນີ້, ທ່ານ ສອນສະໜຸກ ສີສຸລາດ ເຈົ້າເມືອງໆໃໝ່ ໄດ້ລາຍງານໃຫ້ຮູ້ວ່າ: ແຄນ ແມ່ນເຄື່ອງດົນຕີປະເພດເປົ່າຊະນິດໜຶ່ງ ຂອງຄົນລາວ, ມີປະຫວັດຄວາມເປັນມາ ຄຽງຄູ່ຊາດລາວເຮົາ ເປັນເວລາຫຼາຍພັນປີ. ສຽງແຄນລາວ ເປັນມໍລະດົກທາງວັດທະນາທຳຂອງຄົນລາວ ເຊິ່ງໄດ້ຖືກຮັບຮອງເປັນມໍລະດົກໂລກ ຈາກອົງການສຶກສາວິທະຍາສາດ ແລະ ວັດທະນາທຳ ແຫ່ງສະຫະປະຊາຊາດ ໃນວັນທີ 7 ທັນວາ 2017 ທີ່ເກາະເຊຈຸ, ສ.ເກົາຫຼີ.
ສຳລັບການສ້າງແຄນລາວຢູ່ເມືອງໃໝ່ ແມ່ນໄດ້ຮັບການເຫັນດີຈາກ ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ແຂວງຜົ້ງສາລີ ໄດ້ເລີ່ມກໍ່ສ້າງໃນວັນທີ 28 ກັນຍາ ແລະ ສຳເລັດ ໃນວັນທີ 19 ຕຸລາ 2023 ມີມູນຄ່າໃນການກໍ່ສ້າງ 21 ລ້ານກ່ວາກີບ ເຊິ່ງແມ່ນການລະດົມທຶນຂອງທ່ານລັດຖະມົນຕີ, ຫົວໜ້າ ຫສນຍ ແລະ ໄດ້ຮັບການສະໜັບສະໜູນທຶນ ຈາກບໍລິສັດ ຊີໂນ ອາກຣີ ຈຳກັດ.
ແຫຼ່ງຂ່າວ Lao National Radio