- ຕິດຕໍ່ສະເພາະເລື່ອງວຽກບໍ່ວ່າມີເລື່ອງຫຍັງເກີດຂຶ້ນກໍຕາມພະຍາຍາມຍຸ້ງກ່ຽວກັບແຟນເກົ່າໃຫ້ນ້ອຍທີ່ສຸດ ຕິດຕໍ່ຫາກັນສະເພາະເລື່ອງວຽກເທົ່ານັ້ນ ແລະປະເລື່ອງສ່ວນຕົວເອົາໄວ້ທີ່ບ້ານ ຖ້າແຟນເກົ່າ ຫລື ມີໃຜຈັກຄົນໃນທີ່ເຮັດວຽກຖາມວ່າເກີດຫຍັງຂຶ້ນ ໃຫ້ປະຕິເສດໄປແບບນຽນໆ ເລີ່ມຈາກຂໍໂທດພ້ອມກັບເຮັດໃຫ້ພວກເຂົາຮູ້ວ່າບໍ່ພ້ອມຈະເວົ້າເລື່ອງນີ້ຕອນນີ້ ຫລັງຈາກນັ້ນກໍຂໍຕົວໄປເຮັດວຽກ
2. ປະຄວາມຮູ້ສຶກສ່ວນຕົວໄວ້ທີ່ບ້ານ ແທນທີ່ຈະຜະເຊີນໜ້າກັບບັນຫາຕົງໆ ກໍຄວນຫລີກລ້ຽງດ້ວຍການເຮັດເປັນບໍ່ຮູ້ບໍ່ເຫັນເສຍດີກວ່າ ບໍ່ວ່າໃຜຈະຖາມຄຳຖາມໃດໆກໍຕາມ ແລ້ວໃຊ້ຊີວິດຄືເກົ່າ ແລະເຮັດວຽກຮ່ວມກັບແຟນເກົ່າຢ່າງທີ່ເຄີຍເປັນ ໂດຍບໍ່ມີຫຍັງໄປຫລາຍກວ່າເພື່ອນຮ່ວມງານຄົນໜຶ່ງ ກໍຈະຊ່ວຍລຸດຄວາມອຶດອັດຂະນະເຮັດວຽກໃຫ້ກັບເຈົ້າໄດ້
3. ປຶກສານອກສະຖານທີ່ ນອກຈາກການວາງຕົວໃຫ້ເປັນປົກກະຕິ ແລະ ເມີນເສີຍຈະຊ່ວຍລຸດຄວາມໜ້າອຶດອັດໃນການເຮັດວຽກງານແລ້ວ ຍັງຊ່ວຍໃຫ້ເກີດເລື່ອງຊຸບຊິບໃນທີ່ເຮັດວຽກນ້ອຍລົງຕາມໄປນຳ ສ່ວນໃນກໍລະນີທີ່ມີເລື່ອງຄຽດ ສົງໄສ ຫລື ເຮັດໃຫ້ຮູ້ສຶກຂ້ອງໃຈ ກໍເກັບເອົາໄວ້ລົມກັບໝູ່ ຫລັງອອກນອກສະຖານທີ່ເຮັດວຽກດີກວ່າ ເພາະບໍ່ອາດຮູ້ໄດ້ເລີຍວ່າມີໃຜບັງເອີນຍ່າງຜ່ານມາ ຫລື ຢູ່ບໍລິເວນໃກ້ຄຽງກັບຈຸດທີ່ເຈົ້າກຳລັງເລົ່າເລື່ອງສ່ວນຕົວໃຫ້ໝູ່ຟັງຂະນະຢູ່ໃນທີ່ເຮັດວຽກນຳ - ຮຽນຮູ້ທີ່ຈະບໍ່ຮັກ ເພື່ອນຮ່ວມງານ ເຈົ້າຄົງເຄີຍໄດ້ຍິນຄົນເວົ້າກັນມາວ່າຢ່າຄິດມີຮັກໃນບ່ອນເຮັດວຽກກັນມາແດ່ ແລະ ໃນຕອນນີ້ເຊື່ອວ່າເຈົ້າຄົງຮູ້ສຶກດີແລ້ວວ່າຜົນລັບຂອງການມີຮັກໃນທີ່ເຮັດວຽກເປັນແບບໃດ ເພາະສະນັ້ນກໍບໍ່ຄວນຈະໃຫ້ເກີດເຫດການແບບນີ້ຊ້ຳໄປຊ້ຳມາ ໂດຍການມີແຟນທີ່ບ່ອນເຮັດວຽກຮ່ວມກັນອີກ ຫາກບໍ່ຢ້ານເຈັບຢ່າງນ້ອຍກໍຄິດເຖິງຜົນກະທົບທີ່ຈະເກີດຂຶ້ນນຳ ແລະ ຄົງຈະດີກວ່າຫາກແຟນໃໝ່ເປັນຄົົນທີ່ບໍ່ມີສ່ວນກ່ຽວຂ້ອງກັບວຽກ ຫລື ເຮັດວຽກຕ່າງຫ້ອງການ
ການເລີກກັບແຟນວ່າເປັນເລື່ອງທ່ີ່ຍາກແລ້ວ ຈະເປັນເລື່ອງຍາກສຳລັບເຈົ້າຫລາຍຂຶ້ນຫາກຕ້ອງເຈີໜ້າ ຫລື ຮ່ວມງານກັນທຸກມື້ ດັ່ງນັ້ນຮຽນຮູ້ວິທີຮັບມືກັບສະຖານນະການເຫລົ່ານີ້ເອົາໄວ້ນຳ ເລື່ອງສ່ວນຕົວຈະໄດ້ບໍ່ກາຍເປັນເລື່ອງສ່ວນລວມ ແລະ ບໍ່ເອົາເລື່ອງສ່ວນຕົວມາປົນກັບເລື່ອງວຽກຈົນເຮັດໃຫ້ວຽກເສຍ ແລະ ເບິ່ງບໍ່ເປັນມືອາຊີບຢ່າງທີ່ເຄີຍຜ່ານມາ