ກົມຄວບຄຸມພະຍາດພະຍາດຕິດຕໍ່ ກະຊວງສາທາລະນະສຸກ ໄດ້ອອກແຈ້ງການເມື່ອມໍ່ໆມານີ້ເຖິງຫົວໜ້າພະແນກສາທາລະນະສຸກ 17 ແຂວງໃນຂອບເຂດທົ່ວປະເທດລວມທັງນະຄອນຫຼວງວຽງຈັນ ໃຫ້ໂຈະການກິນຢາຂ້າແມ່ທ້ອງຊົ່ວຄາວຢູ່ບັນດາແຂວງ ເມືອງທີ່ຍັງບໍ່ທັນຈັດຕັ້ງປະຕິບັດ ຍ້ອນພົບຜົນຂ້າງຄຽງ (ວິນຫົວ ປວດຮາກ ແລະ ອື່ນໆ) ທີ່ເກີດຈາກການກິນຢາຂ້າແມ່ທ້ອງຢູ່ຫຼາຍແຂວງ ໂດຍໃຫ້ລໍຖ້າຜົນການສືບສວນຄຸນນະພາບຂອງຢາຈາກອົງການອະນາໄມໂລກກ່ອນ ຈຶ່ງຈະສືບຕໍ່ຢາຍຢາໃນປີໜ້າຮອບໃໝ່.
ໂດຍເມື່ອບໍ່ດົນທີ່ຜ່ານມາ ໄດ້ມີການລາຍງານຈາກສັງຄົມອອນລາຍຈຳນວນໜຶ່ງ ວ່າ: ໄດ້ພາລູກໄປສັກຢາຄົບ 1 ປີ ເອົາຢາຂ້າແມ່ທ້ອງໃຫ້ເມັດ 1 ກິນຢາຂ້າແມ່ທ້ອງວັນຈັນ ວັນຄານມາເລີຍມີຕຸ່ມຂຶ້ນ ແລະ ອີກຄົນກໍລາຍງານວ່າ ພາຍຫຼັງກິນຢາຂ້າແມ່ທ້ອງປາກົດວ່າມີຕຸ່ມຂຶ້ນເຊັ່ນກັນ.
