ຊາວຄ້າຂາຍຈົ່ງລະວັງ ມິດສາຊີບມາຕົວະສັ່ງອາຫານ ແລ້ວບອກວ່າຈະມາຈ່າຍເງິນ ແຕ່ກໍບໍ່ໄດ້ຈ່າຍ.
ໃນວັນທີ 25 ຕຸລາ 2023 ທີ່ຜ່ານມາ ຜູ້ໃຊ້ເຟສບຸກ Tookta Sompoou ໄດ້ອອກມາໂພສເຕືອນໄພຕໍ່ຊາວຄ້າຂາຍ ໂດຍສະເພາະຮ້ານອາຫານ ເພາະໄດ້ພົບມິດສາຊີບເຂົ້າມາສັ່ງອາຫານໃນຮ້ານ ພາຍຫຼັງທີ່ໄດ້ອາຫານແລ້ວກໍບອກວ່າດຽວຄົນຮູ້ຈັກຈະມາຈ່າຍເງິນ ແຕ່ສຸດທ້າຍກໍພຽງແຕ່ເອົາອາຫານໄປແລ້ວບໍ່ມີການຈ່າຍເງິນແຕ່ຢ່າງໃດ.
ທັ້ງນີ້ ມິດສາຊີບທີ່ມາຕົວະຮ້ານອາຫານແຫ່ງນີ້ ເປັນຜູ້ຍິງ ມີລັກສະນະອວບອ້ວນ ໃສ່ຊຸດສີດຳ.
ດັ່ງນັ້ນ ຈຶ່ງຢາກມາຂໍເຕືອນບັນດາຮ້ານຄ້າ ຫຼື ຮ້ານອາຫານ ໃຫ້ລະວັງ ບໍ່ຄວນໃຫ້ສິນຄ້າ ຫຼື ອາຫານແກ່ຜູ້ອື່ນໂດຍທີ່ຍັງບໍ່ມີການຈ່າຍເງິນເດັດຂາດ.