ຕຳຫຼວດອັງກິດກຳລັງສອບສວນ ໄວລຸ້ນຊາຍອາຍຸ 16 ປີ ເນື່ອງຈາກໄດ້ຕັດຕົ້ນໄມ້ ທີ່ມີອາຍຸເກືອບ 200 ປີ ທີ່ເປັນສັນຍະລັກສຳຄັນໃຫ້ກຳແພງບູຮານເຮດຽນ ເຊິ່ງມັນສ້າງຄວາມບໍ່ພໍໃຈແກ່ປະຊາຊົນຈຳນວນຫຼາຍ.
ໃນວັນທີ 28 ກັນຍາ 2023 ໄວລຸ້ນ ອາຍຸ 16 ປີ ສັນຊາດອັງກິດ ຖືກຕຳຫຼວດຈັບດຳເນີນຄະດີ ພາຍຫຼັງໄດ້ກໍ່ເຫດຕັດຕົ້ນໄມ້ ອາຍຸເກືອບ 200 ປີ ທີ່ເປັນສັນຍະລັກສຳຄັນຂອງກຳແພງບູຮານ “ເຮດຽນ ວໍ” ແຫຼ່ງທ່ອງທ່ຽວຊື່ດັງ ໃນເມືອງນໍທຳເບຣຍ ທາງພາກເໜືອຂອງປະເທດອັງກິດ ຈົນເຮັດໃຫ້ປະຊາຊົນໃນເຂດນັ້ນບໍພໍໃຈຫຼາຍ ພ້ອມທັງນັກອະນຸລັກກໍເຊັ່ນກັນ.
ໂດຍຕຳຫຼວດໄດ້ຈັບມາສືບສວນສອບສວນ ເພາະບໍ່ເຊື່ອວ່າຈະເປັນການກະທຳຂອງເດັກໄວລຸ້ນ ອາຍຸ 16 ປີ ພຽງຄົນດຽວ ເບື້ອງຕົ້ນລາວໄດ້ຖືກດຳເນີນຄະດີທາງກົດໝາຍ.
ທັ້ງນີ້ “ເຮດຽນ ວໍ” ຫຼື ກຳແພງເຮດຽນ ເປັນກຳແພງທີ່ຂຶ້ນທະບຽນເປັນມໍລະກົດໂລກໂດຍອົງກອນຢູເນສໂກ ເຊິ່ງມີຕົ້ນໄມ້ນີ້ເປັນສັນຍະລັກອັນສຳຄັນທີ່ຖືກຖ່າຍພາບຫຼາຍທີ່ສຸດໃນອັງກິດ ແລະ ຍັງເປັນທີ່ຮູ້ຈັກຂອງຄົນທົ່ວໂລກ ຈາກການປາກົດໃນຮູບເງົາຊື່ດັງຫຼາຍໆເລື່ອງ.
ແຫຼ່ງຂ່າວ ABC Australia