spot_img
Homeຂ່າວພາຍ​ໃນປກສ ເມືອງໄຊທານີ ຈັບຕົວຄົນຮ້າຍປຸ້ນຊັບ ຢູ່ຫຼັກ 21

ປກສ ເມືອງໄຊທານີ ຈັບຕົວຄົນຮ້າຍປຸ້ນຊັບ ຢູ່ຫຼັກ 21

Published on

ເຈົ້າໜ້າທີ່  ນະຄອນຫຼວງວຽງຈັນ ສາມາດຈັບຕົວຄົນຮ້າຍປຸ້ນຊັບ ຢູ່ຫລັກ 21 ບ້ານໂຄກສີວິໄລ ເມືອງໄຊທານີ ຊື່ ທ້າວ ບຸນຫນາຍ ອາຍຸ 30 ປີ ພັກເຊົາຢູ່ບ້ານໂນນທອງ ເມືອງໄຊທານີ ນະຄອນຫຼວງວຽງຈັນ ເຊິ່ງຄົນຮັກ (ຊາຍຮັກຊາຍ) ພ້ອມທັງເກັບກູ້ຊັບໄດ້ທັງໝົດ.

ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ເປີດເຜີຍໃນວັນທີ 20 ກັນຍາ 2023 ວ່າ: ວັນທີ 17 ກັນຍາ 2023 ເວລາປະມານ 23:00 ໂມງ ເຈົ້າໜ້າທີ່ ພວກເຮົາໄດ້ຮັບແຈ້ງເຫດຈາກການຈັດຕັ້ງບ້ານໂຄກສີວິໄລ ເມືອງໄຊທານີ ນະຄອນຫຼວງວຽງຈັນ ວ່າ: ໄດ້ມີເຫດການຄົນຮ້າຍປຸ້ນຊັບເກີດຂຶ້ນຢູ່ແຖວໄຟແດງ ຫຼັກ 21 ທີ່ຂຶ້ນກັບບ້ານໂຄກສີວິໄລ ເມືອງໄຊທານີ ຈາກນັ້ນ ປກສ ເມືອງໄຊທານີ ຈີ່ງໄດ້ແຕ່ງຕັ້ງໃຫ້ໜ່ວຍງານວິຊາສະເພາະລົງກວດກາສະຖານທີ່ເກີດເຫດຕົວຈີ່ງ ເຫັນວ່າ: ມີມູນຄວາມຈິງແທ້, ຜູ້ຖືກເຄາະຮ້າຍຊື່: ທ້າວ ຈັນດີ ອາຍຸ 30 ປີ ພະນັກງານ ຢູ່ບ້ານໜອງປີງ ເມືອງຈັນທະບູລີ ນະຄອນຫຼວງວຽງຈັນ. ມາຮອດເວລາ 16:00 ໂມງ ຂອງວັນທີ 18 ກັນຍາ 2023 ທາງເຈົ້າໜ້ທີ່ກໍສາມາດຈັບທ້າວ ບຸນໜາຍ ອາຍຸ 30 ປີ ພັກເຊົາບ້ານໂນນທອງ ເມືອງໄຊທານີ ນະຄອນຫຼວງວຽງຈັນ ຜູ້ລົງມືກໍ່ເຫດໄດ້.

ທ້າວ ບຸນໜາຍ ສັກດາ ໃຫ້ການຮັບສາລະພາບວ່າ: ໃນຊ່ວງເດືອນ ສິງຫາ 2023 ຜູ່ກ່ຽວ ໄດ້ມີການພົວພັນກັບ ທ້າວ ຈັນດີ ແບບຊູ້ສາວ (ຊາຍຮັກຊາຍ) ຈາກນັ້ນພວກກ່ຽວທັງສອງຈຶ່ງໄດ້ພາກັນເປີດບ້ານພັກ ພ້ອມທັງຖ່າຍຮູບພາບ ແລະ ຄິບວີດີໂອ.

ຕົກມາຮອດວັນທີ 17 ກັນຍາ 2023 ພວກກ່ຽວທັງສອງຈຶ່ງເກີດຜິດຖຽງກັນຂັ້ນຮ້າຍແຮງຍ້ອນການຫຶງຫວງ ທ້າວ ຈັນດີ ບໍ່ໃຫ້ ທ້າວ ບຸນໜາຍ ໄປພົວພັນກັບບຸກຄົນອື່ນ, ຖ້າບອກບໍ່ຟັງຈະສົ່ງຄິບວິດີໂອ ແລະ ຮູບພາບລົງສື່ສັງຄົມອອນລາຍ.

ຈາກນັ້ນ ທ້າວ ບຸນໜາຍ ຈຶ່ງເກີດມີແນວຄຽດແຄ້ນຢາກຄາດຕະກໍາເພື່ອປິດປາກ ແລະ ເອົາຊັບສິນ ທ້າວ ຈັນດີ ແກ້ວດີ, ຮອດເວລາ 22:30 ໂມງ ຂອງວັນດຽວກັນພວກກ່ຽວທັງສອງຈຶ່ງໄດ້ນັດພົບກັນຢູ່ຈຸດໄຟແດງຫຼັກ 21 ເພື່ອຈະປັບຄວາມເຂົ້າໃຈກັນ, ທ້າວ ບຸນໜາຍ ໄດ້ຊ້ອນທ້າຍລົດຈັກຂອງ ທ້າວ ຈັນດີ ຂັບຂີ່ມຸ້ງໜ້າໄປເຮືອນພັກເຂດບ້ານ ໂຄກສີວິໄລ ເມືອງໄຊທານີ ທີ່ ທ້າວ ຈັນດີ ເປີດໄວ້ແລ້ວ, ພໍຂັບຂີ່ລົດໄປຮອດຈຸດເກີດເຫດ ທ້າວ ບຸນໜາຍ ຈຶ່ງໄດ້ເຮັດໃຫ້ລົດຈັກລົ້ມລົງແຄມທາງ ຈາກນັ້ນ ທ້າວ ບຸນໜາຍ ຈຶ່ງໄດ້ຈົກເອົາມີດແຫຼມທີ່ກະກຽມມາແລ້ວນັ້ນ, ຟັນໃສ່ຫົວ, ແທງໃສ່ຕົນໂຕຈໍານວນຫຼາຍບາດ ທ້າວ ຈັນດີ ຈຶ່ງໄດ້ລຸກແລ່ນຂ້າມທາງເພື່ອໄປຂໍຄວາມຊ່ວຍເຫຼືອແຕ່ ທ້າວ ບຸນໜາຍ ໄດ້ແລ່ນຕາມໄປເອົາມີດຝັນ, ແທງຈຳນວນຫຼາຍບາດເຮັດໃຫ້ ທ້າວ ຈັນດີ ລົ້ມລົງຄິດວ່າ ຜູ້ກ່ຽວ ເສຍຊີວິດແລ້ວຈຶ່ງໄດ້ດຶງເອົາຊັບສິນ, ປະເພດສາຍຄໍຄໍາ 1 ເສັ້ນບໍ່ຮູ້ນໍ້າໜັກ, ແຫວນຄໍາ 1 ວົງບໍ່ຮູ້ນໍ້າໜັກແລ້ວເອົາຕົວລົບໜີ, ເອົາມີດທີ່ໃຊ້ກໍ່ເຫດຖິ້ມລົງຫ້ວຍນໍ້າໃນປ່າ, ເຄື່ອງທີ່ເປື້ອນເລືອດນໍາໄປຈູດໄຟຖິ້ມ.

ແຫຼ່ງຂ່າວ ຄວາມສະຫງົບ

 

ບົດຄວາມຫຼ້າສຸດ

ທ່ານ ງາມປະສົງ ເມືອງມະນີ ລັດຖະມົນຕີກະຊວງ (ຍທຂ) ຊີ້ແຈງສືບຕໍ່ແກ້ໄຂຜົນກະທົບຈາກໂຄງການທາງລົດໄຟລາວ-ຈີນ

ສືບຕໍ່ແກ້ໄຂຜົນກະທົບຈາກໂຄງການທາງລົດໄຟລາວ-ຈີນທີ່ຍັງບໍ່ທັນສໍາເລັດ 16 ໜ້າວຽກ ໃນວາລະການດຳເນີນກອງປະຊຸມໃນກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ IX ທ່ານ ງາມປະສົງ ເມືອງມະນີ ລັດຖະມົນຕີກະຊວງໂຍທາທິການ ແລະ ຂົນສົ່ງ...

ແຕ່ງຕັ້ງ ທ່ານ ພອນວິໄລ ແກ້ວບຸນສານ ເປັນຮັກສາການຫົວໜ້າຄະນະຄຸ້ມຄອງດ່ານສາກົນແດນສະຫວັນ.

ປະກາດຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງຂອງດ່ານສາກົນແດນສະຫວັນ ວັນທີ 10 ມີຖຸປະກາດຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງຂອງດ່ານສາກົນແດນສະຫວັນນາ 2025 ຜ່ານມາ, ດ່ານສາກົນແດນສະຫວັນ ແຂວງສະຫວັນນະເຂດ ໄດ້ປະກາດຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງຂອງດ່ານສາກົນແດນສະຫວັນ,...

ຖວທ ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານໃນໄລຍະຜ່ານມາ

ຖວທ ສະຫຼຸບການປະຕິບັດວຽກງານ ແລະ ເຜີຍແຜ່ແຈ້ງການກ່ຽວກັບການປັບປຸງກົງຈັກ - ບຸກຄະລາກອນ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານໃນໄລຍະຜ່ານມາ, ພ້ອມທັງເຜີຍແຜ່ແຈ້ງການກ່ຽວກັບການປັບປຸງກົງຈັກ ແລະ ບຸກຄະລາກອນ...

ສະເໜີໃຫ້ລັດຖະບານເອົາໃຈໃສ່ຈັດຕັ້ງປະຕິບັດ 7 ບັນຫາ ໃນການພັດທະນາພະລັງງານໄຟຟ້າ

ສະເໜີໃຫ້ລັດຖະບານເອົາໃຈໃສ່ຈັດຕັ້ງປະຕິບັດ 7 ບັນຫາ ໃນການພັດທະນາພະລັງງານໄຟຟ້າ ທ່ານ ສົມມາດ ພົນເສນາ ຮອງປະທານສະພາແຫ່ງຊາດ ໄດ້ຖະແຫຼງຂ່າວຜົນການພິຈາລະນາບົດລາຍງານຂອງລັດຖະບານ ໃນການຈັດຕັ້ງປະຕິບັດບັນດານະໂຍບາຍ, ນິຕິກຳ, ກົນໄກ ໃນການພັດທະນາພະລັງງານໄຟຟ້າໃນກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ...