ເຈົ້າໜ້າທີ່ສາທາລະນະສຸກນິວຢອກ ແລະ ຄອນເນທິຄັດ ສະຫະລັດອາເມຣິກາ ກ່າວວ່າ ເມື່ອບໍ່ດົນມານີ້ ມີຜູ້ເສຍຊີວິດ 3 ຄົນ ພາຍຫຼັງທີ່ຕິດເຊື້ອພະຍາດກິນຊີ້ນ ເຊິ່ງອາດເກີດຈາກການກິນອາຫານທະເລດິບເຊັ່ນ ຫອຍນາງລົມ ຫຼື ລອຍນ້ຳໃນນ້ຳອຸ່ນເຄັມ.
ຈາກກໍລະນີຜູ້ເສຍຊີວິດ 3 ຄົນ ໃນນັ້ນ 2 ຄົນ ຢູ່ໃນລັດຄອນເນທິຄັດ ແລະ 1 ຄົນ ໃນລັດນິວຢອກ ເສຍຊີວິດຈາກການໄດ້ຮັບເຊື້ອພະຍາດກິນຊີ້ນ (Vibrio vulnificus).
ໃນລັດຄອນເນທິຄັດ ມີ 2 ຄົນເສຍຊີວິດພາຍຫຼັງທີ່ໄປລອຍນ້ຳອຸ່ນເຄັມ ແລະ ອີກ 1 ຄົນ ເສຍຊີວິດຈາກການກິນຫອຍນາງລົມ.
ຜູ້ຊ່ຽວຊານຮຽກຮ້ອງໃຫ້ປະຊາຊົນ ໃຊ້ມາດຕະການໃນການປ້ອງກັນຂັ້ນວິກິດ ເພື່ອຫຼີກລ່ຽງເຊື້ອ Vibrio vulnificus ເຊິ່ງເປັນພະຍາດກິນຊີ້ນທີ່ຫາຍາກແຕ່ອັນຕະລາຍ ຫຼັງຈາກເກີດກໍລະນີຫຼ້າສຸດ ເຈົ້າໜ້າທີ່ແນະນຳໃຫ້ປົກປ້ອງບາດແຜຈາກນ້ຳທະເລ ແລະ ຫຼີກລ່ຽງການກິນຫອຍດິບ ຫຼື ຫອຍທີ່ບໍ່ສຸກດີ.
ແຫຼ່ງຂ່າວ independent