ຄົນເຈັບ ອາຍຸ 16 ປີ ມາພົບໝໍດ້ວຍອາການແໜ້ນໜ້າເອິກ ຫາຍໃຈຝືດ ເມື່ອກວດແລ້ວພົບວ່າຄົນເຈັບເປັນຫົວໃຈຊຸດໂຊມຂັ້ນສຸດທ້າຍ.
ໃນວັນທີ 25 ສິງຫາ 2023 ທ່ານໝໍ Phetvilay Sennavong ທີ່ປະຈຳຢູ່ໂຮງໝໍແຂວງສະຫວັນນະເຂດ ໄດ້ໂພສຜ່ານເຟສບຸກສ່ວນຕົວວ່າ “ຄົນເຈັບ ອາຍຸ16 ປີ ມີປະຫວັດໃຊ້ຢາເສບຕິດ ມາດ້ວຍອາການແໜ້ນໜ້າເອິກ ຫາຍໃຈຝືດ ກະວົນກະວາຍ”.
ໂດຍທ່ານໝໍກໍໄດ້ບອກວ່າ ຄົບເຈັບເປັນໂຣກກ້າມຊີ້ນຫົວໃຈໃຫ່ຍ ມີອາການຫົວໃຈຊຸດໂຊມຂັ້ນສຸດທ້າຍແລ້ວ ແລະ ມີຄວາມສ່ຽງທີ່ຈະເສຍຊີວິດສູງ.
ອ້າງອີງຈາກ phuket hospital ໃຫ້ຮູ້ວ່າ: ໃນໂຣກຫົວໃຈໃຫຍ່ ສ່ວນຫຼາຍຈະພົບໃນກຸ່ມຜູ້ສູງອາຍຸ ກົງກັນຂ້າມກັບກໍລະນີນີ້ ທີ່ມີອາຍຸພຽງ 16 ປີ.
ສະນັ້ນ ຈຶ່ງຢາກຂໍໃຫ້ພໍ່ແມ່ຜູ້ປົກຄອງ ໃນການເຝົ້າລະວັງລູກຫຼານຂອງຕົນ ບໍ່ໃຫ້ພົວພັນກັບຢາເສບຕິດທຸກປະເພດ.
ກຸ່ມທີ່ມີຄວາມສ່ຽງຕໍ່ການເກີດໂຣກຫົວໃຈໃຫຍ່
- ສູບຢາ ຫຼື ໄດ້ຮັບຄັວນຈາກຢາສູບ ຫຼື ທູບຫຼາຍ.
- ກຸ່ມຜູ້ສູງອາຍຸ.
- ການຕິດທາດເຫຼົ້າ ແລະ ສານເສບຕິດທີ່ໃຫ້ໂທດຊະນິດອື່ນໆ.
- ໂຣກອ້ວນ.
- ກຸ່ມໂຣກຄວາມດັນເລືອດສູງ ໂຣກເບົາຫວານ ໂຣກໄຂມັນໃນເລືອດສູງ.
- ກຸ່ມໂຣກຫົວໃຈພິການແຕ່ກຳເນີດ ໂຣກລີ້ນຫົວໃຈ ໂຣກເລືອດຈາງເປັນເວລາດົນ.
- ຄົນໃນຄອບຄົວມີປະຫວັດເປັນໂຣກຫົວໃຈ ໂດຍສະເພາະໂຣກຫຼອດເລືອດຫົວໃຈ.
ຂໍ້ມູນຈາກ phukethospital, Phetvilay Sennavong