spot_img
Homeຂ່າວຕ່າງປະເທດເຂົ້າມາຕີສະໜິດຫຼົງເຊື່ອແລ້ວຕົວະໃຫ້ເສຍເງິນ

ເຂົ້າມາຕີສະໜິດຫຼົງເຊື່ອແລ້ວຕົວະໃຫ້ເສຍເງິນ

Published on

ໜຸ່ມໄວກາງຄົນເສຍເງິນ 1 ລ້ານໂດລາສະຫະລັດ ເພາະເຊື່ອໃຈຄົນໃນແຊັດອອນລາຍ ເຊິ່ງລັກສະນະການເຂົ້າມາຕົ້ມຕຸນແບບນີ້ ເຂົາເອີ້ນວ່າຂ້າໝູ (Pig Butchering) ເພາະຈະຄ່ອຍໆລ້ຽງຈົນໃຫຍ່ຕຸ້ຍພີ່ດີງາມ ເປັນການຄ່ອຍໆໃຫ້ອີກຝ່າຍໄວ້ໃຈ ແລະ ລົງມືສັງຫານ.

ຈາກ ເວັບໄຊ້ ໄດ້ມີການແບ່ງປັນເຫດການດັ່ງກ່າວທີ່ເກີດກັບໜຸ່ມໄວກາງຄົນ ຫຼື ຜູ້ເສຍຫາຍໃນສະຫະລັດອາມາລິກາ ອອກມາໂດຍໃຫ້ຮູ້ວ່າ: ຖືກຄົນທີ່ລົມນຳກັນໃນແຊັດອອນລາຍຕົວະເອົາເງິນ ເຊິ່ງລວມແລ້ວແມ່ນ 1ລ້ານໂດລາ, ຜູ້ເສຍຫາຍໄດ້ລົມກັບຜູ້ຕົ້ມຕຸນ ຜ່ານ WhatsApp ເຊິ່ງລວມການແຊັດນຳກັນປະມານ 271,000 ຄຳ, ທັງສອງໄດ້ແຊັດນຳກັນຫຼາຍເດືອນຈົນຮູ້ສຶກສະໜິດສະໜົມກັນ ແຕ່ຍັງບໍ່ເຄີຍພົບກັນຕໍ່ໜ້າ ພຽງແຕ່ສົ່ງຮູບໃຫ້ກັນເບິ່ງ.

ເຊິ່ງນັກຕົ້ມຕຸນຈະເຂົ້າມາຫາໂດຍການຊວນລົມແບບຄົນຢາກຮູ້ຈັກກັນແທ້ໆ ລົມກັນແຕ່ລະມື້ຖາມເລື່ອງລາວ ແລະ ກິດຈະກຳຂອງກັນແລະກັນ ຈົນມີການຊວນລົງທຶນ ແລະ ບອກວ່າຈະໄດ້ເງິນຄືນ ພ້ອມໄດ້ກຳໄລນຳອີກ ຍ້ອນຄວາມໄວ້ໃຈ ຈິ່ງໄດ້ໂອນເງິນເພື່ອລົງທຸນ ເທື່ອທຳອິດແມ່ນບໍ່ໄດ້, ສ່ວນເທື່ອຕໍ່ໄປແມ່ນໄດ້ເງິນ ເລີຍເຮັດໃຫ້ຢາກລົງທຶນຕື່ມອີກ (ການລົງທຶນແມ່ນໂອນເງິນໃຫ້ ເພື່ອໄປແລກຫຼຽນຄຣິບໂຕ ເຊິ່ງຜູ້ຕົ້ມຕຸ້ນບອກວ່າມີສູດທີ່ຮູ້ວ່າຫຼຽນໂຕໃດມີລາຄາສູງ ແລະ ຈະໄດ້ກຳລັງຫຼາຍ) ຊ່ວງຫຼັງໆມາກໍເລີ່ມຮູ້ໂຕວ່າ ຖືກຕົ້ມ ເພາະບໍ່ໄດ້ຮັບເງິນ ເລີຍໄປແຈ້ງເຈົ້າໜ້າທີ່ ແຕ່ກໍຮູ້ວ່າຄືຈະບໍ່ເປັນຜົນ ມີແຕ່ໄປອ້ອນວອນຂໍນຳນັກຕົ້ມຕຸນດັ່ງກ່າວ ແຕ່ກໍບໍ່ເປັນຜົນ ຈາກນັ້ນ ຜູ້ຕົ້ມຕຸນກໍຫາຍໄປ. ເງິນທີ່ລົງທຸນເປັນເງິນທີ່ເກັບມາທັງຊີວິດ ແລະ ຍືມທະນາຄານ ຍ້ອນຄິດວ່າຈະມີເງິນຫຼາຍຂຶ້ນ.

ປັດຈຸບັນ, ການເຂົ້າຫາກັນທາງສັງຄົມອອນລາຍແມ່ນງ່າຍ ແລະ ໄວ ບາງຄັ້ງໂປຟາຍເຂົາເຈົ້າອາດຈະດູດີ ແລະ ເຮັດໃຫ້ເຮົາເຊື່ອຖື ພ້ອມທັງຢາກຮູ້ຈັກ, ແຕ່ຢ່າລືມວ່າເຮົາຕ້ອງລະມັດລະວັງ ແລະ ຄວນຄິດຮອບຄອບ ຖ້າຫາກກໍລະນີ ມີເງິນເຂົ້າມາ ເພາະທ່ານອາດຈະຕົກເປັນເຫຍື້ອແກ້ງຕົ້ມຕຸ້ນ.

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...