ພຣອຍ ດາລານັກສະແດງຊື່ດັງຂອງໄທ ເລົ່າປະສົບການ ແລະ ຄວາມປະທັບໃຈໃນການມາທ່ຽວຫຼວງພະບາງ.
ໃນວັນທີ 20 ສິງຫາ 2023 ພຣອຍ ດາລານັກສະແດງໄທ ພ້ອມເປັນ Youtuber ຊື່ດັງ ໄດ້ມາເລົ່າປະສົບການທີ່ມາທ່ຽວຫຼວງພະບາງ ແລະ ບັນລະຍາຍການໄປສະຖານທີ່ຕ່າງໆ ພ້ອມກັບບອກວ່າຫຼົງຮັກ ສປປ ລາວ ແລະ ຕ້ອງລອງມາທ່ຽວຫຼວງພະບາງ.
ພຣອຍ ໄດ້ລະບຸວ່າ: ໃນຊ່ວງລະດູຝົນ 2 ຝາກທາງງາມຫຼາຍ ເປັນພາບພູເຂົາທີ່ມີໝອກລົງ.
ຫຼວງພະບາງເມືອງມໍລະດົກໂລກ ມີບັນຍາກາດສະຫງົບ ໃຊ້ຊີວິດຊ້າໆ ມີເຮືອນເກົ່າທີ່ໜ້າຮັກໄປຕະຫຼອດເສັ້ນທາງ ແລະ ພຣອຍກໍ ໄດ້ແຕ່ງໂຕເປັນສາວລາວ ເພື່ອທ່ຽວຖ່າຍຮູບຕາມສະຖານທີ່ຕ່າງໆ.
ນອກນີ້ ສິ່ງທີ່ຂາດບໍ່ໄດ້ແມ່ນຕ້ອງຕື່ນມາໃສ່ບາດເຂົ້າໜຽວ ເຊິ່ງຜູ້ຄົນຈຳນວນຫຼາຍກໍຍັງໃສ່ແພບ່ຽງກັນອອກມາໃສ່ແບບປົກກະຕິ ເຊິ່ງມັນເປັນພາບທີ່ໜ້າຮັກຫຼາຍ.
ສຸດທ້າຍ ພຣອຍ ຍັງກ່າວຕື່ມອີກວ່າ ຖ້າໃຜຢາກຮູ້ວ່າການຫຼົງຮັກ ສປປ ລາວ ມັນເປັນແບບໃດ ຕ້ອງມາທ່ຽວຫຼວງພະບາງ.
