ສຸກີ້ຕີນ້ອຍ ຮ້ານສຸກີ້ບຸບເຟ່ຊື່ດັງທີ່ປະເທດໄທ ມີແຜນທີ່ຈະຂະຫຍາຍສາຂາເພີ່ມໃນປີນີ້ປະມານ 60 ສາຂາ ພ້ອມກັບສຶກສາການຂະຫຍາຍສາຂາໃນ ລາວ ແລະ ກຳປູເຈຍ.
ປັດຈຸບັນ ທາງບໍລິສັດຢູ່ໃນລະຫວ່າງການສຶກສາຂະຫຍາຍສາຂາໃນຕ່າງປະເທດເພີ່ມ ໂດຍໄດ້ເຈລະຈາໃນປະເທດກຳປູເຈຍ ເພື່ອສຶກສາຄວາມເປັນໄປໄດ້ຂອງຕະຫຼາດ ສະຖານທີ່ຕັ້ງ ແລະ ແຜນທຸລະກິດ ໂດຍຄາດວ່າຈະມີຄວາມຊັດເຈນຂຶ້ນໃນປີ 2024 ພ້ອມກັບສຶກສາການຂະຫຍາຍສາຂາໄປແຂວງອຸດອນ ແລະ ອຸບົນລາດສະທານີ ເພື່ອຫາໂອກາດໃນການຂະຍາຍມາ ສປປ ລາວ ແຕ່ປັດຈຸບັນຍັງບໍ່ມີລາຍລະອຽດ.
ທັ້ງນີ້ ສຸກີ້ຕີນ້ອຍ ຫຼື ລາວເຮົາເອີ້ນວ່າຮ້ານຈຸ່ມ ເຊິ່ງເປີດຕົວໃນປີ 2020 ເປັນຮ້ານບຸບເຟ່ຊື່ສຽງໂດ່ງດັງຂອງໄທ ທີ່ມີຜູ້ຄົນຈຳນວນຫຼາຍຕໍ່ແຖວຍາວເພື່ອທີ່ຈະໄດ້ກິນ ເຮັດໃຫ້ທຸລະກິດເຕີບໃຫຍ່ໄວວາ ແລະ ມີການຂະຫຍາຍສາຂາໄປໃນທົ່ວປະເທດໄທ ນອກນີ້ ຮ້ານສຸກີ້ຕີນ້ອຍ ຍັງມີສື່ສຽງມາຮອດປະເທດລາວເຊັ່ນກັນ ກໍມີຄົນລາວຫຼາຍຄົນທີ່ສົນໃຈຢາກໄປລອງຊິມ.
ແຫຼ່ງຂ່າວ Thairath