ພົບປາອະໄວຍະວະເພດຫຼາຍພັນໂຕ ຖືກຄື້ນທະເລພັດມາໃສ່ແຄມຝັ່ງ ຈົນເຕັມຫາດໃນປະເທດອາເຈນຕິນ່າ.
ເກີດປາກົດການແຕກຕື່ນໃຫ້ກັບປະຊາຊົນທີ່ຢູ່ໃກ້ຄຽງນັ້ນ ໂດຍ ຢູເຣຄິສ ຢູນິຊິນຕັສ (urechis unicinctus) ຈຳນວນຫຼາຍຖືກພັດມາໃສ່ແຄມຝັ່ງຢູ່ຫາດທາງພາກໃຕ້ຂອງປະເທດອາເຈນຕິນ່າ, “ຢູເຣຄິສ ຢູນິຊິນຕັສ” ຫຼື ເອີ້ນວ່າ “ປາອະໄວຍະວະເພດ” ເພາະມີຮູບຮ່າງທີ່ຄ້າຍຄືກັບອະໄວຍະວະເພດຊາຍ ມັນອາໄສຢູ່ຕາມດິນຕົມ ຫຼື ປະກາລັງ ມັກມຸດລົງໄປໃນຊາຍ ແລະ ຂຸດຮູກອງອາກາດ.
ຢູເຣຄິສ ຢູນິຊິນຕັສ ມີມາໄດ້ 300 ລ້ານປີແລ້ວ ແລະ ຊ່ວງຊີວິດຂອງມັນອາດຢູ່ເຖິງ 25 ປີ ມັນມີຂະໜາດປະມານ 25 ຊັງຕີແມັດ.
ຍັງມີລາຍງານວ່າ ຄົນຫາປາຈຳນວນຫຼາຍ ແຫ່ກັນໄປທີ່ຫາດເພື່ອໄປເກັບ ປາອະໄວຍະວະເພດ ເນື່ອງຈາກວ່າ ມັນເໝາະສົມທີ່ສຸດໃນການເປັນເຫຍື່ອຈັບປາ, ນອກນີ້ ຕາມແພດແຜນຈີນບາງຄົນ ຄືວ່າປາຊະນິດນີ້ ສາມາດບຳລຸງຮັກສາຮ່ງກາຍໄດ້ ໂດຍສະເພາະຕັບ ແລະ ຮັກສາສະພາບທີ່ກ່ຽວຂ້ອງກັບກະດູກສັນຫຼັງ ແລະ ບັນຫາໄຕ ພ້ອມວ່າມີລົດຊາດອ່ອນ ຄ້າຍຄືກັບຫອຍ.
ວິທີການປຸງອາຫານຂອງປາຊະນິດນີ້ ກໍຈະແຕກຕ່າງໄປຕາມແຕ່ລະປະເທດ ເຊິ່ງທາງເຫົາຫຼີໃຕ້ ມີການກິນແບບດິບ ທີ່ໃສ່ເກືອ ແລະ ນ້ຳມັນງາ ຫຼື ໃສ່ແຈ່ວໝາກເຜັດ ທີ່ເອີ້ນວ່າ ໂຄຊູຈັງ ເພື່ອໃຫ້ກິນງ່າຍອີກດ້ວຍ.
ທີ່ມາ dailymail