ຕາມການລາຍງານຂອງສະຖານີໂທລະພາບ CCTV ຂອງຈີນ ໄດ້ລາຍງານວ່າ: ໃນທ້າຍອາທິດທີ່ຜ່ານມາ ເກີດເຫດດິນເຈື່ອນໃນບໍລິເວນພາກກາງຂອງປະເທດຈີນ ສົ່ງຜົນໃຫ້ມີຜູ້ເສຍຊີວິດ 1 ຄົນ ແລະ ຍັງມີຄົນສູນຫາຍອີກຈຳນວນ 7 ຄົນ.
ໃນວັນທີ 8 ກໍລະກົດ 2023 ຈາກເຫດດິນເຈື່ອນທັບໂຄງການກໍ່ສ້າງທາງດ່ວນສາຍໜຶ່ງໃນເຂດຫູເປີ່ຍ ທາງພາກກາງຂອງປະເທດຈີນ ມີຜູ້ລອດຊີວິດ 6 ຄົນ ແລະ ມີລາຍງານຜູ້ທີ່ໄດ້ຮັບບາດເຈັບອີກຈຳນວນໜຶ່ງ, ໂດຍທາງການກຳລັງພະຍາຍາມປ້ອງກັນໄພພິບັດໃນພື້ນທີ່ອື່ນໆອີກ ເພື່ອບໍ່ໃຫ້ເກີດເຫດການແບບນີ້ອີກ ໃນຂະນະທີ່ເຈົ້າໜ້າທີ່ກູ້ໄພ ແລະ ລົດຂຸດ ຍັງຄົ້ນຫາຜູ້ທີ່ສູນຫາຍຢ່າງຕໍ່ເນື່ອງ.
ນອກຈາກນີ້ ຍັງມີລາຍງານຕື່ມອີກວ່າ ເກີດມີຝົນຕົກໜັກໃນຫຼາຍພື້ນທີ່ຂອງຈີນ ເຮັດໃຫ້ເກີດດິນເຈື່ອນໃນຫຼາຍພື້ນທີ່ຂອງມົນທົນເສສວນ ໃນໄລຍທີ່ຜ່ານມາ, ລວມທັງເຫດການທີ່ເໝືອງຂຸດເຈາະແຫ່ງໜຶ່ງ ເຊິ່ງເຫດການນັ້ນເຮັດໃຫ້ມີຜູ້ເສຍຊີວິດ 19 ຄົນ ແລະ ຍັງມີເຫດການດິນເຈື່ອນ ໃນເຂດອື່ນໆອີກ ເຮັດໃຫ້ມີຜູ້ເສຍຊີວິດໄປອີກ 4 ຄົນ.
ທັ້ງນີ້ ລັດຖະບານຈີນໄດ້ສັ່ງການໃຫ້ແຕ່ລະທ້ອງຖິ່ນຕື່ນໂຕ ແລະ ຕຽມພ້ອມຮັບມືກັບສະຖານະການຝົນຕົກໜັກໄພ ທຳມະຊາດອື່ນໆຢູ່ຕະຫຼອດ.
ແຫຼ່ງຂ່າວ Reuters