ເຈົ້າໜ້າທີ່ໄທກວດຍຶດສານເຄມີອັນຕະລາຍທີ່ຈະສົ່ງມາລາວ

0
922

ເຈົ້າໜ້າທີ່ໄທ ຍຶດສານອະນີລີນ (Aniline) ຫຼາຍຫວ່າ 5 ແສນກິໂລກຼາມ ຢູ່ທ່າເຮືອແຫຼມສະບັງ ທີ່ກຽມສົ່ງມາ ສປປ ລາວ.

ໃນວັນທີ 28 ມິຖຸນາ 2023 ເຈົ້າໜ້າທີ່ຈາກຫຼາຍຝ່າຍຂອງປະເທດໄທ ແລະ ເຈົ້າໜ້າທີ່ຈາກ ສປປ ລາວ ຮ່ວມກັນເປີດປະຕູຄອນເທນເນີຂອງບໍລິສັດຂົນສົ່ງແຫ່ງໜຶ່ງ ທີ່ສາງສິນຄ້າອັນຕະລາຍ ທ່າເຮືອແຫຼມສະບັງ ຈັງຫວັດຊົນບຸລີ.

ຈາກການກວດສອບພົບເຫັນສານອະນິລີນ (Aniline) 22 ແທ່ງ ນ້ຳໜັກປະມານ 510.720 ກິໂລກຼາມ.

ສຳລັບການອະນິລີນ ທີ່ກວດຍຶດໄດ້ຄັ້ງນີ້ ແມ່ນມາຈາກປະເທດໄທ ໂດຍບໍລິສັດຂົນສົ່ງ 2 ບໍລິສັດ ຈາກນັ້ນຈະນຳໄປຫາບໍລິສັດຂົນສົ່ງອີກແຫ່ງໃນ ສປປ ລາວ.

ຈາກການກວດສອບພົບວ່າ ຂະບວນການນຳຜ່ານບໍ່ມີເອກະສານການໄດ້ຮັບອະນຸຍາດຂໍນຳຜ່ານວັດຖຸອັນຕະລາຍ ຈຶ່ງໄດ້ກວດຄົ້ນ ຍຶດເອົາຂອງກາງ ແລະ ເຈົ້າໜ້າທີ່ໄທກໍໄດ້ປະສານກັບເຈົ້າໜ້າທີ່ລາວ ກວດສອບຈຶ່ງຮູ້ວ່າ ຕົວແທນບໍລິສັດຂົນສົ່ງໃນ ສປປ ລາວ ຈຳນຳເອົາສານເຄມີດັ່ງກ່າວໄປໃຊ້ໃນການຜະລິດເຄື່ອງສຳອາງ ໂດຍມີບໍລິສັດແມ່ຢູ່ຈີນ ແຕ່ມີຖານຜະລິດຢູ່ລາວ.

ແຫຼ່ງຂ່າວ thaitv5hd