spot_img
Homeນານາສາລະສິ່ງທີ່ຈະເກີດຂຶ້ນ ຫຼັງຈາກທ່ານເປັນໂຕຂອງໂຕເອງ

ສິ່ງທີ່ຈະເກີດຂຶ້ນ ຫຼັງຈາກທ່ານເປັນໂຕຂອງໂຕເອງ

Published on

22

ຫຼາຍໆ ຄົນທີ່ ອາດຈະກຳລັງໃຊ້ຊີວິດຢູ່ ເພື່ອເຮັດຕາມຄວາມຄາດຫວັງ ຂອງຄົນອ້ອມຂ້າງ ຄວາມຄາດຫວັງຂອງສັງຄົມ ມີຂໍ້ຈຳກັດໃນການໃຊ້ຊີວິດ ບໍ່ສາມາດ “ເປັນໂຕຂອງໂຕເອງ” ໄດ້ພໍທໍ່ໃດ ລອງມາອ່ານເລື່ອງລາວຕໍ່ໄປນີ້ເບິ່ງ ເພາະເຮົາຈະມາບອກວ່າ ເມື່ອທ່ານເລິ່ມຕົ້ນ “ເປັນໂຕຂອງໂຕເອງ” ໄດ້ແລ້ວ 10 ຢ່າງ ທີ່ມະຫັດສະຈັນນີ້ ຈະເກີດຂຶ້ນກັບຊີວິດຂອງທ່ານ ໄປເບິ່ງນຳກັນເລີຍວ່າມີຫຍັງແດ່.

1. ຄົນທີ່ດີໆ ຈະເຂົ້າມາຫາທ່ານ

ຖ້າທ່ານໃຊ້ຊີວິດແບບທີ່ບໍ່ແມ່ນໂຕທ່ານເອງ ບໍ່ແມ່ນໂຕຂອງທ່ານແທ້ໆ ທີ່ຢູ່ພາຍໃນ ຄົນທີ່ຢູ່ອ້ອມຂ້າງຂອງທ່ານຕອນນີ້ ກໍອາດຈະບໍ່ແມ່ນຄົນແທ້ໆ ສຳລັບທ່ານເຊັ່ນກັນ ເພາະຄົນທີ່ພວກນັ້ນຄົບຢູ່ ຄືທ່ານທີ່ເປັນເປືອກນອກ ບໍ່ແມ່ນທ່ານທີ່ຢູ່ພາຍໃນ ແລະເມື່ອໃດກໍຕາມ ທີ່ທ່ານເປີດເຜີຍຕົວຈິງ ຄົນພວກນີ້ກໍຈະຍາກຄົບກັບທ່ານຕໍ່ ດັ່ງນັ້ນ ເປັນໂຕຂອງໂຕເອງທ້ອນ ແລະຄົນທີ່ເໝາະກັບທ່ານ ເຂົ້າກັບທ່ານໄດ້ແທ້ໆ ຈະເຂົ້າມາເອງ.

2. ທ່ານຈະເລິ່ມຫາເງິນໄດ້

ເມື່ອທ່ານເປັນໂຕຂອງໂຕເອງ ທ່ານຈະເປັນຄົນທີ່ຈິງໃຈຫຼາຍຂຶ້ນ ແລະນັ້ນເຮັດໃຫ້ຄວາມສຳພັນ ຂອງທ່ານກັບເພື່ອນຮ່ວມງານ ເຈົ້ານາຍ ລູກຄ້າ ຄົນຜ່ານໄປຜ່ານມາດີຂຶ້ນເລື້ອຍໆ ແລະນັ້ນເຮັດໃຫ້ວຽກງານ ຫຼື ທຸລະກິດຂອງທ່ານງອກເງີຍຕາມນຳພ້ອມ ນັ້ນເອງ.

3. ທ່ານຈະພົບກັບຄົນທີ່ແມ່ນ

ເລື່ອງຂອງຄວາມຮັກນັ້ນ ຖ້າທ່ານປົກປິດຕົວຕົນຂອງທ່ານເອົາໄວ້ ທ່ານຈະບໍ່ມີທາງພົບຄົນທີ່ແມ່ນ ສຳລັບທ່ານແທ້ໆ ລອງເປັນໂຕຂອງໂຕເອງເບິ່ງແມ້ ຮັກໂຕເອງກ່ອນ ແລະຄົນທີ່ຮັກທ່ານ ທີ່ທ່ານເປັນທ່ານ ກໍຈະເຂົ້າມາເອງນັ້ນລະ.

4. ຄົນອ້ອມຂ້າງຈະໄວ້ໃຈທ່ານ

ບໍ່ວ່າຈະເລື່ອງນ້ອຍ ຫຼືເລື່ອງໃຫຍ່ ທ່ານຈະກາຍເປັນຄົນໜ້າເຊື່ອຖື ໄວ້ໃຈໄດ້ ເພາະທ່ານບໍ່ປົກປິດຫຍັງກັບເຂົາ ນັ້ນເອງ.

5. ທ່ານຈະໝັ້ນໃຈຫຼາຍຂຶ້ນ

ການປົກປິດໂຕຕົນຂອງທ່ານ ຈະທຳລາຍຄວາມໝັ້ນໃຈຂອງ ໂຕທ່ານເອງ ທ່ານຈະກັງວົນຢູ່ຕະຫຼອດເວລາທີ່ຈະຕ້ອງປົກປິດ ການຕັດສິນໃຈຂອງທ່ານໃນເລື່ອງຕ່າງໆ ກໍຈະບໍ່ດີເທົ່າທີ່ຄວນ ແຕ່ເມື່ອທ່ານກຳຈັດຄວາມກັງວົນທຸກຢ່າງ ແລະເປີດເຜີຍຄວາມເປັນໂຕ ຂອງໂຕເອງອອກມາແລ້ວ ທ່ານຈະໝັ້ນໃຈຫຼາຍຂຶ້ນນັ້ນເອງ.

6. ທ່ານຈະມີພະລັງຫຼາຍຂຶ້ນ

ເມື່ອທ່ານຮູ້ສຶກດີຈາກພາຍໃນ ທ່ານມີຄວາມສຸກ ຮໍໂມນແຫ່ງຄວາມສຸກຫຼັ່ງໄຫຼ ໄປທົ່ວຮ່າງກາຍຂອງທ່ານ ທ່ານຈະຮູ້ສຶກເບີກບານມ່ວນຊື່ນ ມີພະລັງງານໃນການເຮັດວຽກ ຢ່າງບໍ່ເຄີຍມີມາກ່ອນເລີຍ.

7. ທ່ານຈະຫຼັບສະບາຍຂຶ້ນ

ດັ່ງທີ່ບອກ ພໍເປັນໂຕຂອງໂຕເອງ ທ່ານຈະເຊົາກັງວົນ ເຊົາຕຶງຄຽດ ຜົນທີ່ຕາມມາຢ່າງເຫັນໄດ້ ກໍຄື ທ່ານຈະນອນຫຼັບສະບາຍຂຶ້ນນັ້ນເອງ.

8. ທ່ານຈະຕຶງຄຽດໜ້ອຍລົງ

ການປົກປິດຄວາມເປັນຕົວຕົນ ທ່ານຕ້ອງປົກປິດທຸກຢ່າງ ທັງຄຳເວົ້າ ຄຳຈາ ຮູບລັກພາຍນອກ ຄວາມຄິດ ທຸກຢ່າງທີ່ທ່ານຕ້ອງປົກປິດ ແລະໃຊ້ຊີວິດພາຍໃຕ້ໜ້າກາກ ລອງນຶກພາບເບິ່ງວ່າມັນຈະລຳບາກຂະໜາດໃດ ແລະຖ້າກຳຈັດໜ້າກາກອອກໄປໄດ້ ທ່ານຈະຫາຍຄວາມຕຶງຄຽດໄດ້ປານໃດ.

9. ຄົນຈະເບິ່ງວ່າທ່ານເປັນຄົນແທ້

ຄົນທີ່ພົບປະໂອ້ລົມກັບທ່ານ ຈະເບິ່ງວ່າທ່ານເປັນຄົນແທ້ ຄົນຈິງ ເປັນຄົນວິເສດ ເປັນຄົນເຮັດຕາມໃຈໂຕເອງ ແລະບໍ່ຖືກຈຳກັດຈາກຂອບໃດໆໃນຊີວິດ ພວກເຂົາຈະຢາກຄົບກັບທ່ານ ເພາະຢູ່ນຳແລ້ວສະບາຍໃຈ.

10. ທ່ານຈະມີຄວາມສຸກຫຼາຍຂຶ້ນ

ແນ່ນອນວ່າ ເລື່ອງສຸດທ້າຍທີ່ສຳຄັນທີ່ສຸດ ການທີ່ທ່ານຖອດໜ້າກາກອອກ ເປັນໂຕຂອງໂຕເອງ ບໍ່ກັງວົນ ບໍ່ຕຶງຄຽດ ທີ່ຈະຕ້ອງປິດບັງຄວາມລັບຫຍັງແລ້ວ ມັນຈະເຮັດໃຫ້ທ່ານສຸກຈາກພາຍໃນ ຢ່າງທີ່ທ່ານ ບໍ່ເຄີຍເປັນມາກ່ອນເລີຍ.

ຖ້າເຫັນວ່າບົດຄວາມນີ້ເປັນປະໂຫຍດ ຢ່າມລືມບອກໝູ່ຂອງທ່ານອ່ານແດ່ເດີ !!

 

ຂອບໃຈບົດຄວາມຈາກ: kiitdoo

ບົດຄວາມຫຼ້າສຸດ

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...