ໃນວັນທີ 21 ມິຖຸນາ 2023 ທີ່ຜ່ານມາ ໄດ້ມີຄົນໂພສຜ່ານເຟສບຸກກ່ຽວກັບ ພໍ່ຕູ້ຊື່ ລີງ ອາຍຸ 103 ປີ ທີ່ກຳລັງເກັບກະຕຸກຕາມແຄມທາງ ບໍລິເວນບ້ານໂຄກໃຫ່ຍ ໃກ້ສະຖານີ້ລົດໄຟ ຫຼັກ16 ເມື່ອຄົນເຈົ້າຂອງເຟສບຸກຄົນນີ້ເຫັນກໍໄດ້ຍື່ນເງິນໃຫ້ ຫວັງໃຫ້ພໍ່ຕູ້ນຳເງິນໄປໃຊ້ຈ່າຍກິນ ສິ່ງຕໍ່ມາທີ່ເຮັດໃຫ້ຫຼາຍຄົນປະທັບໃຈກໍຄືພໍ່ຕູ້ກໍໄດ້ອວຍພອນແກ່ຜູ້ນັ້ນ.
ອີງຕາມຜູ້ໃຊ້ເຟສບຸກ Tar Phonpaseuth Setthavong ໄດ້ໂພສວ່າ: ໝູ່ຂັບລົດກຳລັງສິລ້ຽວແວ່ຊື້ຂອງກິນ ຂ້ອຍເຫັນສະພາບພໍ່ຕູ້ຢືນແຄມທາງເລີຍບອກໃຫ້ໝູ່ຈອດ ແຕ່ຕອນນັ້ນພໍ່ຕູ້ໄດ້ຂ້າມທາງເຄິ່ງທາງແລ້ວ ຂ້ອຍກະແລ່ນກຳເງິນໄປຫາເພິ່ນເຫັນແລ້ວຢາກແບ່ງປັນໃຫ້ເພິ່ນໄປຊື້ແນວກິນແຊບໆກິນ ເຫັນກະຕຸກເພິ່ນເກັບໄປຂາຍລະຕາອີ່ຕົນໆ ສອບຖາມເພິ່ນຊື່ຕູ້ລີງ ເກີດປີ 1920 ປັດຈຸບັນອາຍຸ 103 ປີ ຕອນເຮົາຍືນເງິນໃຫ້ເພິ່ນອວຍພອນເອົາແທ້ເອົາວ່າ.
ແລະ Tar ຍັງໄດ້ເວົ້າຕື່ມອີກວ່າ ຖ້າຮູ້ສຶກຢາກຊ່ວຍໃຫ້ຊ່ວຍເລີຍຖ້າເຮົາໄຫວ ເພາະເຮົາບໍ່ຮູ້ດອກວ່າຄົນທີ່ເຮົາຊ່ວຍ ເຂົາລໍຖ້າໂອກາດນີ້ມາດົນປານໃດ ແບ່ງປັນສິ່ງທີ່ດີໃຫ້ກັນແລ້ວໂລກຈະໜ້າຢູ່.