ໃນວັນທີ 27 ມິຖຸນາ 2023 ເກີດເຫດຄົນຖືກພະພຸດທະຮູບລົ້ມທັບເສຍຊີວິດ 1 ຄົນ ແລະ ບາດເຈັບ 1 ຄົນທີ່ອຳເພີເມືອງ ຈັງຫວັດສີສະເກດ ປະເທດໄທ ໂດຍຜູ້ເສຍຊີວິດຊື່ ທາ້ວ ສະລັນຍູ ອາຍຸ 40 ປີ ລັກສະນະຂອງຜູ້ເສຍຊີວິດມີບາດເປັນຮູຢູ່ໜ້າເອິກ ໃນຂະນະທີ່ມີຄົນໄດ້ຮັບບາດເຈັບອີກ 1 ຄົນ ຊື່ ທາ້ວ ອະດິສັກ ມີອາການບາດເຈັບຢູ່ບໍລິເວນຫຼັງ ເຈົ້າໜ້າທີ່ກໍໄດ້ນຳສົ່ງໂຮງໝໍເປັນທີ່ຮຽບຮ້ອຍ.
ຈາກການສອບຖາມຄົນໃກ້ຄຽງໄດ້ຮູ້ວ່າ: ກ່ອນເກີດເຫດໄດ້ຮ່ວມກັນຈັດກຽມສະຖານທີ່ເພື່ອພັດທະນາວັດ ກຽມພິທີເຜົາສົບຍາພໍ່ກ້ຽງ ເຕຊະທຳໂມ ເຊິ່ງມີກຳນົດໃນລະຫວ່າງວັນທີ 3-7 ມັງກອນ 2024 ແລະ ກຳລັງຈະຍ້າຍພະພຸດທະຮູບຈາກບໍລິເວນສານພະພຸດທະຮູບດ້ານໜ້າທີ່ຕັ້ງຂອງສົບຂອງຍາພໍ່ ແລະ ຕໍ່ມາກໍໄດ້ຍິນສຽງດັງບໍລິເວນໜ້າພະທາດ ເມື່ອອອກເບິ່ງກໍພົບວ່າ ພະພຸດທະຮູບຂະໜາດໃຫຍ່ ໜ້າຕັກ 1 ແມັດ ໄດ້ລົ້ມລົງມາທັບຮ່າງຂອງ ທາ້ວ ສະລັນຍູ ບໍລິເວນໜ້າເອິກ ສ່ວນອີກຄົນໜຶ່ງຖືກພະພຸດທະຮູບທັບບໍລິເວນດ້ານຫຼັງໄດ້ຮັບບາດເຈັບ.
ຫຼັງຈາກນັ້ນ ເມື່ອເອີ້ນຄົນມາຊ່ວຍກໍພົບວ່າ ທາ້ວ ສະລັນຍູ ແມ່ນຄົນທີ່ມາຊ່ວຍເຮັດວຽກໃນວັດເປັນປະຈຳ ໄດ້ເສຍຊີວິດຄາທີ່ແລ້ວ ສ່ວນທາ້ວ ອະດິສັກ ເຊິ່ງເປັນຜູ້ຮັບເໝົາກໍ່ສ້າງເຈດີ ໄດ້ຮັບບາດເຈັບຈຶ່ງຮີບນຳສົ່ງໂຮງໝໍ ເພື່ອຮັບການຮັກສາຢ່າງຮີບດ່່ວນ.
ແຫຼ່ງຂ່າວ ch3