ສຳນັກງານໄອຍະການດ້ານການເງິນຝຣັ່ງ ເປີດເຜີຍວ່າ ການບຸກຄົ້ນຄັ້ງນີ້ມາຈາກຂໍ້ກ່າວຫາທີ່ຝ່າຍຈັດໂອລິມປິກເກມ 2024 ຫຼື ປາຣີສເກມ ສໍ້ໂກງເງິນທຶນສາທາລະນະ ແລະ ການເຮັດໃຫ້ພັກພວກຕົນເອງໄດ້ຮັບຜົນປະໂຫຍດກ່ຽວກັບການຈັດການແຂ່ງຂັນ.
ຕຳຫຼວດກຳລັງກວດສອບຂໍ້ກ່າວຫາເລື່ອງການໃຊ້ຄົນພັກພວກຕົນເອງ ທີ່ໃຊ້ໜີ້ສາທະລະນະໃນທາງທີ່ຜິດ ມາຈາກການກໍ່ສ້າງ.
ໂດຍມີງົບປະມານທີ່ເພີ່ມຂຶ້ນເປັນ 8,8 ຕື້ເອີໂຣ ຈາກການປະເມີນຄັ້ງທຳອິດໃນປີ 2017 ແມ່ນ 6,6 ຕື້ເອີໂຣ.
ຄ່າໃຊ້ຈ່າຍດ້ານໂຄງສ້າງ-ສະໜາມຕ່າງໆ ປະມານ 4 ຕື້ເອີໂຣ ຈາກການທີ່ເຄີຍປະເມີນໄວ້ແມ່ນ 3,2 ຕື້ເອີໂຣ ເນື່ອງຈາກປາຣີສມີສິ່ງກໍ່ສ້າງພື້ນຖານເຫຼົ່ານີ້ຢູ່ແລ້ວ ສ່ວນຄ່າຮັກສາຄວາມປອດໄພກໍປະມານ 400 ລ້ານເອີໂຣ ແຕ່ຍັງບໍ່ມີການນຳເຂົ້າມາລວມກັບງົບປະມານດັ່ງກ່າວ.
ເຖິງວ່າຈະເປັນເລື່ອງໃຫຍ່ ແຕ່ທາງຄະນະກຳມະການໂອລິມປິກສາກົນ ຫຼື IOC ລະບຸວ່າ ໄດ້ຮັບແຈ້ງແລ້ວວ່າຈະມີການກວດຄົ້ນ ແລະ ທາງປາຣີສກໍໃຫ້ຄວາມຮ່ວມມືກັບເຈົ້າໜ້າທີ່ເປັນຢ່າງດີ.
ຢ່າງໃດກໍຕາມ ນີ້ບໍ່ແມ່ນຄັ້ງທຳອິດທີ່ຜູ້ຈັດງານໂອລິມປິກຖືກສອບສວນ ໃນຕົ້ນປີທີ່ຜ່ານມາ ໄອຍະການຍີ່ປຸ່ນຟ້ອງບໍລິສັດ 6 ແຫ່ງ ທີ່ຕ້ອງສົງໄສວ່າສໍ້ໂກງການປະມູນ ມູນຄ່າ 320 ລ້ານໂດລາສະຫະລັດ ເພື່ອໃຫ້ໜ້າທີ່ ແລະ ສ່ວນແບ່ງໃນການແຂ່ງຂັນໂຕກຽວເກມ 2020 ເຊິ່ງນຳມາສູ່ການກວດສອບທີ່ດົນເກືອບປີ ແລະ ຖືກສັກທອດ ຈົນມີການປົດ ແລະ ລາອອກຈາກຕຳແໜ່ງ ຂອງບັນກາຜູ້ນຳອົງກອນທີ່ກ່ຽວຂ້ອງກັບເລື່ອງນີ້ໄປຫຼາຍຄົນ.
ແຫຼ່ງຂ່າວ ອັລຈາຊີລາ