ເຂດເສດຖະກິດພິເສດ ສາມຫຼ່ຽມຄໍາ ອອກແຈ້ງການເລກທີ 081 /ງຄ ສາມຫຼ່ຽມຄໍາ ໃນວັນທີ 16 ມິຖຸນາ 2023 ກ່ຽວກັບການນໍາໃຊ້ສະກຸນກີບ.
ອີງຕາມຂໍ້ກໍານົດຂອງລະບຽບການຄຸ້ມຄອງເງິນຕາຕ່າງປະເທດແຫ່ງຊາດຂອງ ສປປ ລາວ. ສະນັ້ນ, ຈຶ່ງແຈ້ງໃຫ້ ຊາບກ່ຽວກັບການນໍາໃຊ້ສະກຸນເງິນກີບຢູ່ພາຍໃນເຂດເສດຖະກິດພິເສດສາມຫຼ່ຽມຄໍາ ດັ່ງລຸ່ມນີ້:
- ສິນຄ້າ ແລະ ຄ່າບໍລິການທັງໝົດມີເຄື່ອງໝາຍການຄ້າຢ່າງຊັດເຈນຢູ່ພາຍໃນເຂດຕ້ອງລະບຸລາຄາເປັນສະກຸນເງິນກີບ (ອັດຕາແລກປ່ຽນແມ່ນໃຫ້ກໍານົດຕາມອັດຕາແລກປ່ຽນຂອງທະນາຄານກາງແຫ່ງ ສປປ ລາວ).
- ທຸກໆຮ້ານຄ້າຕ້ອງໄດ້ຕິດປ້າຍປະໂຫຍກທີ່ວ່າ “ສົ່ງເສີມການບໍລິໂພກນໍາໃຊ້ສະກຸນເງິນກີບ” ເປັນພາສາຈີນ ແລະ ພາສາລາວ, ບັນດາວິສາຫະກິດ ແລະ ຮ້ານຄ້າ ສາມາດມາເອົາໄດ້ທີ່ຫ້ອງການສະພາບໍລິຫານເຂດເສດຖະກິດພິເສດ ສາມຫຼ່ຽມຄໍາ ຫ້ອງ 103.
3. ຖ້າຫາກວ່າວິສາຫະກິດ ຫຼື ບຸກຄົນໃດຫ້າມບໍ່ໃຫ້ຮັບເອົາສະກຸນເງິນກີບໃນການຊໍາລະສິນຄ້າ, ກໍລະນີພະນັກງານ ຂອງຂະແໜງການທີ່ກ່ຽວຂ້ອງກວດພົບເຫັນຈະໄດ້ໃຫ້ໂຈະກິດຈະການທັງຫມົດ ພ້ອມທັງປັບໄໝ.
- ແຈ້ງການສະບັບນີ້ແມ່ນມີຜົນສັກສິດນັບແຕ່ມື້ລົງລາຍເຊັນເປັນຕົ້ນໄປ.
