ນາງ ແຄັດເທີລີນ ໂຟບິກ ຄືຄົນທີ່ຖືກສານຕັດສິນວ່າ: ຄາຕະກຳຕໍ່ເນື່ອງທີ່ໂຫດຮ້າຍທີ່ສຸດອົດສະຕາລີ ຈາກຂໍ້ກ່າວຫາວ່າ: ນາງເປັນຄົນຄາຕະກຳລູກ 4 ຄົນຂອງຕົນເອງ.
ຫຼ້າສຸດ ວັນທີ 5 ມິຖຸນາ 2023 ຜ່ານມາ, ທາງການອົດສະຕາລີ ໄດ້ໃຫ້ອະໄພຍະໂທດ ນາງ ໂຟບິກ ແລະ ໄດ້ປ່ອຍຕົວນາງອອກຈາກຄຸກທັນທີ ຫຼັງຈາກຫຼັກຖານວິທະຍາສາດໃຫມ່ຊີ້ໃຫ້ເຫັນວ່າ ນາງບໍ່ໄດ້ຂ້າລູກຂອງຕົນເອງ.
ແຄັດເທີລີນ ໂຟບິກ ໄດ້ຖືກຈໍາຄຸກໃນປີ 2003 ຫຼັງຈາກຄະນະລູກຂຸນລົງຄະແນນສຽງວ່ານາງໄດ້ຂ້າລູກ ເຄເລັບ, ແພັດທຣິກ, ຊາລ່າ ແລະ ລູລ່າ ໃນໄລຍະ 10 ປີທີ່ຜ່ານມາ, ແຕ່ຫຼັກຖານທາງວິທະຍາສາດຫຼ້າສຸດ ໄດ້ນໍາສະເຫນີຕໍ່ສານ ແນະນໍາລູກນ້ອຍຂອງ ນາງອາດຈະເສຍຊີວິດຍ້ອນສາເຫດທໍາມະຊາດ.
ໃນປັດຈຸບັນ, ການຕັດສິນຂອງນາງໂຟບິກ ອາຍຸ 55 ປີໄດ້ຖືກວິພາກວິຈານວ່າເປັນ “ການຄວາມຜິດພາດທີ່ຮ້າຍແຮງທີ່ສຸດ”. ຫນຶ່ງໃນຂະບວນຍຸຕິທໍາອົດສະຕາລີ, ນາງ ໂຟບິກ ໄດ້ຢືນຢັນຄວາມບໍລິສຸດຂອງນາງສະເໝີ ແຕ່ໃນທີ່ສຸດກໍຖືກຕັດສິນໂທດຈໍາຄຸກຢ່າງໜ້ອຍ 25 ປີ ໃນຂໍ້ຫາຄາຕະກຳລູກນ້ອຍ 4 ຄົນຂອງນາງ, ເຊິ່ງແຕ່ລະຄົນເສຍຊີວິດແຕ່ອາຍຸນ້ອຍທີ່ສຸດ 19 ມື້ ແລະ ອາຍຸຫຼາຍທີ່ສຸດ 19 ເດືອນໃນລະຫວ່າງປີ 1989-1999.
ການໃຫ້ອະໄພຍະໂທດ ເກີດຂຶ້ນຫຼັງຈາກຄວາມພະຍາຍາມຫຼາຍປີທີ່ຈະປ່ອຍນາງ ໂຟບິກ ຫຼັງຈາກທີມນັກພູມຄຸ້ມກັນວິທະຍາ ພົບວ່າລູກສາວຂອງນາງ ມີການກາຍພັນຂອງເຊື້ອສາຍດຽວທີ່ສາມາດນໍາໄປສູ່ອາການຫົວໃຈຢຸດເຕັ້ນ ຈົນເສຍຊີວິດ, ຢ່າງໃດກໍຕາມ
ຖ້າຫາກວ່າສານອຸທອນໄດ້ຍົກຟ້ອງຄຳຮ້ອງຟ້ອງຂອງທ່ານນາງ ໂຟບິກ ນັ້ນຫມາຍຄວາມວ່າ ນາງສາມາດຟ້ອງລັດຖະບານອົດສະຕາລີ. ເພື່ອຮຽກຮ້ອງຄ່າຊົດເຊີຍຫຼາຍລ້ານໂດລາ ຂະບວນການອາດຈະໃຊ້ເວລາ 1-2 ປີ.
ແຫຼ່ງຂ່າວ: BBC NEWS