spot_img
Homeຂ່າວພາຍ​ໃນ​ເຢຍລະ​ມັນໃຫ້ທຶນຊ່ວຍ​ເຫຼືອ​ 32 ລ້ານ​ເອີ​ໂຣເພື່ອຄຸ້ມຄອງປ່າໄມ້ຢູ່ພາກເໜືອຂອງລາວ

​ເຢຍລະ​ມັນໃຫ້ທຶນຊ່ວຍ​ເຫຼືອ​ 32 ລ້ານ​ເອີ​ໂຣເພື່ອຄຸ້ມຄອງປ່າໄມ້ຢູ່ພາກເໜືອຂອງລາວ

Published on

ລັດຖະບານ​ເຢຍລະ​ມັນ​ໄດ້​ໃຫ້ການ​ຊ່ວຍ​ເຫຼືອ​ປະມານ 32 ລ້ານ​ເອີ​ໂຣ ຫຼື ປະມານ 607 ຕື້ກີບ ​ເພື່ອ​ສະໜອງ​ທຶນ​ໃຫ້​ແກ່​ໂຄງການ​ປົກ​ປັກ​ຮັກສາ​ສິ່ງ​ແວດ​ລ້ອມ​ຢູ່​ບັນດາ​ແຂວງ​ພາກ​ເໜືອ​ຂອງ​ລາວ, ໃນນີ້ ມີ18 ລ້ານເອີໂຣ ຈະມອບໃຫ້ກອງທຶນປົກປ້ອງສິ່ງແວດລ້ອມ ແລະ  14 ລ້ານເອີໂຣ ແມ່ນມອບໃຫ້ GIZ.

ອີງຕາມການລາຍງານຂອງສະຖານີໂທລະພາບແຂວງບໍ່ແກ້ວ ແຂວງເປົ້າໝາຍຂອງໂຄງການ ປະກອບມີ ອຸດົມໄຊ, ຫຼວງນໍ້າທາ ແລະ ບໍ່ແກ້ວ ແຕ່ປີ 2023 ຫາ 2027, ໂດຍຈະມີ 240 ບ້ານ ໃນ 12 ເມືອງ ທີ່ຈະໄດ້ຮັບຜົນປະໂຫຍດ ຈາກໂຄງການນີ້.

ເມື່ອບໍ່ດົນມານີ້ ເຈົ້າໜ້າທີ່ແຂວງບໍ່ແກ້ວ ແລະ ຜູ້ຕາງໜ້າອົງການ GIZ ໄດ້ແລກປ່ຽນຄວາມຄິດຄວາມເຫັນກ່ຽວກັບການຈັດຕັ້ງປະຕິບັດໂຄງການຢູ່ແຂວງບໍ່ແກ້ວ ແລະ ໄດ້ລາຍງານການປະຕິບັດໂຄງການໄລຍະທີ 1 ໃນຊຸມປີຜ່ານມາ.

ລັດຖະບານໄດ້ຮ່າງຂໍ້ຕົກລົງວ່າດ້ວຍການສ້າງຕັ້ງຄະນະຊີ້ນຳ ແລະ ຄະນະປະສານງານໂຄງການຢູ່ຂັ້ນແຂວງ ແລະ ເມືອງ, ກຳນົດມາດຖານຄັດເລືອກບ້ານເປົ້າໝາຍ ແລະ ຜົນການວິເຄາະເບື້ອງຕົ້ນ ເພື່ອກະກຽມການຈັດຕັ້ງປະຕິບັດ.

ໄລຍະທີ 1 ຂອງໂຄງການແມ່ນໄດ້ຜັນຂະຫຍາຍຢູ່ແຂວງໄຊຍະບູລີ ຫຼວງພະບາງ ແລະ ແຂວງຫົວພັນ ແຕ່ປີ 2020 ຫາ 2023, ມີ 240 ບ້ານໃນ 15 ເມືອງ ຖືກຊຸກຍູ້ການຄຸ້ມຄອງປ່າໄມ້, ພູມສັນຖານ ແລະ ຊັບພະຍາກອນກະສິກຳແບບຍືນຍົງ.

ໃນໄລຍະຕົ້ນໆຂອງໂຄງການແຕ່ປີ 2009 ຫາ 2019, ປະເທດລາວໄດ້ມີຄວາມຄືບໜ້າ ໃນການບັນລຸເປົ້າໝາຍການພັດທະນາແບບຍືນຍົງ ໂດຍສະເພາະການຫຼຸດຜ່ອນການປ່ອຍອາຍພິດເຮືອນແກ້ວ.

ແຫຼ່ງຂ່າວ Vientiane Time

ບົດຄວາມຫຼ້າສຸດ

ສະມາຄົມນັກຂ່າວແຫ່ງ ສປປ ລາວ ຕ້ອນຮັບຄະນະນັກຂ່າວນັກໜັງສືພິມແຫ່ງປະເທດໄທ

ຕ້ອນຮັບຄະນະຜູ້ແທນນັກຂ່າວນັກໜັງສືພິມແຫ່ງປະເທດໄທ ທີ່ເດີນທາງມາຢ້ຽມຢາມ ແລະ ເຄື່ອນໄຫວເຮັດວຽກຢູ່ລາວ. ໃນຕອນເຊົ້າຂອງວັນທີ 4 ທັນວາ 2025, ສຳນັກຂ່າວອອນລາຍລາວໂພສກໍຄືໃນນາມສະມາຄົມນັກຂ່າວແຫ່ງ ສປປ ລາວ ໄດ້ຕ້ອນຮັບຄະນະຜູ້ແທນຈາກ ສະມາຄົມນັກຂ່າວນັກໜັງສືພິມແຫ່ງປະເທດໄທ ທີ່ເດີນທາງມາຢ້ຽມຢາມ ແລະ...

ບໍ່ສະໜັບສະໜູນ ການນນຳເຂົ້າສິລະປິນຕ່າງປະເທດ ເພື່ອມາຈັດຄອນເສີດ ໃນນະຄອນຫຼວງວຽງຈັນ ເພື່ອຮັກສາ ແລະ ສົ່ງເສີມສິລະປະວັດທະນະທໍາຂອງຊາດ

ອີງຕາມ ແຈ້ງການແນະນໍາ ຂອງພະແນກ ວັດທະນະທໍາ ແລະ ທ່ອງທ່ຽວ ນະຄອນຫຼວງວຽງຈັນສະບັບເລກທີ 1613/ວທ.ນວ ລົງວັນທີ 21 ພະຈິກ ປີ 2025 ມີດັ່ງນີ້

ປັບໄໝ 3,000,000 ກີບ/ຄັ້ງ ຖ້າບຸກຄົນໃດໂພສຂາຍສິນຄ້າອອນລາຍ ໂດຍບໍ່ແຈ້ງລົງທະບຽນທາງການຄ້າ ແມ່ນຈະຖືກປັບໄໝ ພ້ອມການກ່າວເຕືອນ, ສຶກສາອົບຮົມ ແລະ ເຮັດບົດບັນທຶກ

ຂໍ້ຕົກລົງ ວ່າດ້ວຍການປັບໃໝ ແລະ ການນໍາໃຊ້ມາດຕະການອື່ນ ຕໍ່ຜູ້ລະເມີດ ດຳລັດ ແລະ ລະບຽບການ ກ່ຽວກັບການຄ້າທາງເອເລັກໂຕຣນິກ ເລກທີ 2828/ອຄ ວັນທີ 11 ພະຈິກ...

ກະກຽມຄວາມພ້ອມເກືອບ 100% ບຸນນະມັດສະການພະທາດອີງຮັງ ແຂວງສະຫວັນນະເຂດ ທີ່ຈະຈັດຂຶ້ນໃນ 30 ພະຈິກ – 05 ທັນວາ 2025

ບຸນນະມັດສະການ ພະທາດອີງຮັງ ແຂວງສະຫວັນນະເຂດ ຈະຈັດຂຶ້ນໃນວັນທີ 30 ພະຈິກ 2025 ເພື່ອສົ່ງເສີມການທ່ອງທ່ຽວ ປັດຈຸບັນແມ່ນມີຄວາມພ້ອມເກືອບ 100% ແລ້ວ. ສຳລັບການຈັດງານປີນີ້ ຈະສ້າງໃຫ້ມີຫຼາຍກິດຈະກຳ ເພື່ອມີຄວາມມ່ວນຊື່ນ...