spot_img
Homeຂ່າວພາຍ​ໃນBig C ຄາດວ່າຈະເປີດໃຫ້ບໍລິການພາຍໃນປີໜ້າ

Big C ຄາດວ່າຈະເປີດໃຫ້ບໍລິການພາຍໃນປີໜ້າ

Published on

ເລີ່ມໂຄງການກໍ່ສ້າງ Big C Super Center ແຫ່ງທຳອິດໃນລາວ ມີແຜນເປີດໃຫ້ບໍລິການໃນປີໜ້າ.

Big C ຜູ້ປະກອບການຊຸບເປີມາເກັດແບບຄົບເຄື່ອງ ທີ່ໃຫຍ່ເປັນອັນດັບ 2 ຂອງໄທ ໄດ້ມີການດຳເນີນງານພາຍໃນ 4 ປະເທດກໍຄື ໄທ ຫວຽດນາມ ກຳປູເຈຍ ແລະ ລາວ ໂດຍ Big C Super Center ແຫ່ງໃໝ່ໃນລາວນີ້ແມ່ນສ່ວນໜຶ່ງຂອງແຜນການຂະຫຍາຍທຸລະກິດຂອງບໍລິສັດ.

ບໍລິສັດ Big C ໃນປະເທດລາວສ້າງທຳອິດໃນປີ 2019 ເປັນຕົ້ນມາ ເຊິ່ງຊື້ກິດຈະການຮ້ານສະດວກຊື້ໃນລາວ ແລ້ວປ່ຽນຊື່ມາເປັນ “Mini Big C” ໂດຍມີການຂະຫຍາຍສາຂາຫຼາຍກວ່າ 51 ແຫ່ງ ໃນນະຄອນຫຼວງວຽງຈັນ.

Big C Super Center ມີສະຖານທີ່ຕັ້ງຢູ່ໃນປະເທດຕ່າງໆ ໂດຍມີຮູບແບບແຕກຕ່າງກັນໄປໃນແຕ່ລະປະເທດ ເຊິ່ງ Big C ຈະເປີດບໍລິການໃກ້ກັບສູນການຄ້າ ITECC ກວມເອົາເນື້ອທີ່ປະມານ 8,500 ຕາລາງແມັດ ມີມູນຄ່າປະມານ 40 ຕື້ກີບ ແລະ ຈະບໍ່ເຮັດຄ້າຍຄືກັບປະເທດອື່ນໆ ເພາະຈະໄດ້ປັບໃຫ້ເຂົ້າກັບປະເທດລາວ.

ອີງຕາມການໃຫ້ສຳພາດຂອງຜູ້ຈັດການພາຍໃນ Big C ໄດ້ກ່າວວ່າ ຈະມີການປັບປ່ຽນ Big C Super Center ໃຫ້ເຂົ້າກັບຕະຫຼາດໃນປະເທດລາວ ໂດຍສະເພາະຈະມີສິນຄ້າປະເພດ ກະປ໋ອງ ຊີ້ນ ຜັກສົດ ເຄື່ອງໃຊ້ ແລະ ເຄື່ອງນຸ່ງຫົ່ມ ນອກນີ້ກໍຍັງມີການວາງສະແດງສິນຄ້າຈາກໃນປະເທດ ແລະ ຕ່າງປະເທດກໍຄື ໄທ ຈີນ ຫວຽດນາມ ແລະ ບັນດາປະເທດເອີຣົບ.

ໂຄງການກໍ່ສ້າງ Big C Super Center ແຫ່ງທຳອິດໃນລາວ ຄາດວ່າຈະໄດ້ເປີດບໍລິການຢ່າງເປັນທາງການພາຍໃນເດືອນເມສາ 2024.

ທີ່ມາ The Laotian Time

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...