ເຄັນຍາ ພົບຜູ້ເສຍຊີວິດ 89 ຄົນ ເປັນກຸ່ມລັດທິອົດອາຫານ ທີ່ເຊື່ອວ່າຈະນຳໄປສູ່ສະຫວັນ ແລະ ພົບກັບພະເຈົ້າ ຍັງມີຜູ້ສູນຫາຍອີກ 200 ຄົນ.
ໃນວັນທີ 26 ເມສາ 2022 ຄົ້ນພົບຜູ້ເສຍຊີວິດແລ້ວ 89 ຄົນ ຖືກຝັງໃນປ່າໂຮກາ ຂອງປະເທດເຄັນຍາ ເຊິ່ງຜູ້ເສຍຊີວິດຢູ່ໃນລັດທິອົດອາຫານ ໂດຍມີຄວາມເຊື່ອກັນວ່າການອົດອາຫານ ນຳໄປສູ່ສະຫວັນ ແລະ ພົບກັບພະເຈົ້າ.
ໂດຍປ່າແຫ່ງນັ້ນເປັນທີ່ຕັ້ງຂອງໂບດ Good News International Church ຕໍ່ມາເຈົ້າໜ້າທີ່ໄດ້ປິດລ້ອມປ່າ ແລະ ຄົ້ນຫາຜູ້ເສຍຊີວິດພາຍໃນປ່າ.
ລັດຖະມົນຕີກະຊວງພາຍໃນ ຂອງເຄັນຍາໄດ້ນຳໂຕຜູ້ນຳກຸ່ມລັດທິເຂົ້າຄຸກ ແລະ ໃຜກໍຕາມທີ່ສ່ວນກ່ຽວຂ້ອງ ໃນການຊ່ວຍເຫຼືອການຂຸດຂຸມຝັງສົບຜູ້ເສຍຊີວິດ ກໍຄວນໄດ້ຮັບໂທດທີ່ຮຸນແຮງທີ່ສຸດຕາມກົດໝາຍໄດ້ກຳນົດ ເຊິ່ງຜູ້ເສຍຊີວິດສ່ວນຫຼາຍຖືກຝັງຢູ່ໃນຂຸມຕື້ນໆ ນອກຈາກນີ້ຍັງພົບຜູ້ທີ່ຍັງບໍ່ເສຍຊີວິດຢູ່ໃນສະພາບທີ່ຈ່ອຍຫຼາຍ.
ຂະນະນີ້ມີຜູ້ລອດຊີວິດຈາກລັດທິນີ້ທັງໝົດ 34 ຄົນ ແລະ ຍັງມີຄົນສູນຫາຍອີກ 200 ຄົນ.
ທີ່ມາ CNN