ເປັນຂ່າວດີສົ່ງທ້າຍເດືອນພະຈິກ ທີ່ກະຊວງອຸດສາຫະກຳ ແລະ ການຄ້າ ໄດ້ແຈ້ງປັບຫຼຸດລາຄານ້ຳມັນເຊື້ອໄຟມື້ນີ້
ເປັນເທື່ອທີ 7 ຕິດຕໍ່ກັນ ນັບແຕ່ເດືອນກໍລະກົດເປັນຕົ້ນມາ.
ໂດຍລາຄານ້ຳມັນເຊື້ອໄຟໃນປະເທດເຮົາ ນັບແຕ່ເລີ່ມກ້າວເຂົ້າ 2014 ກະຊວງອຸດສາຫະກຳ ແລະ ການຄ້າໃນຖານະ
ຜູ້ຄຸ້ມຄອງໂດຍກົງໄດ້ມີການປັບຂຶ້ນ-ລົງຕາມກົນໄກການປ່ຽນແປງຂອງຕະຫຼາດໂລກ ມາຮອດປະຈຸບັນ ລວມທັງ
ໝົດ 17 ຄັ້ງ ໃນນັ້ນ 13 ຄັ້ງ ແມ່ນປັບຫຼຸດລາຄາ ແລະ ປັບຂຶ້ນພຽງ 4 ຄັ້ງ ຊຶ່ງເທື່ອນີ້ຖືເປັນຄັ້ງທີ 7 ຕິດຕໍ່ກັນ ທີ່ລ້ວນ
ແຕ່ຢູ່ຂາລົງ ໂດຍນະຄອນຫຼວງວຽງຈັນ ແອັດຊັງທຳມະດາທີ່ຜູ້ຊົມໃຊ້ສ່ວນໃຫຍ່ເປັນຜູ້ມີລາຍໄດ້ໜ້ອຍ ເຫຼືອບໍ່ເຖິງ
9.500 ກີບຕໍ່ລິດ.
ຕາມແຈ້ງການຂອງກະຊວງອຸດສາຫະກຳ ແລະ ການຄ້າ ສະບັບລົງວັນທີ 27 ພະຈິກ 2014 ໄດ້ລະບຸວ່າ: ນັບແຕ່ເວລາ
14:00 ຂອງມື້ນີ້ (28 ພະຈິກ) ໃຫ້ບັນດາບໍລິສັດນ້ຳມັນເຊື້ອໄຟ ປັບລົງລາຄາຂາຍຍ່ອຍໜ້າປ້ຳ ໃນທົ່ວປະເທດຕາມ
ລາຄາໃໝ່ ໃນນີ້ ຢູ່ນະຄອນຫຼວງວຽງຈັນ ແອັດຊັງພິເສດກຳນົດຂາຍໃນລາຄາ 10.790 ກີບ, ກະຊວນ 8.420 ກີບ ລົງ
100 ກີບ ແລະ ແອັດຊັງທຳມະດາ 9.460 ກີບຫຼຸດລົງ 150 ກີບ ເມື່ອທຽບໃສ່ການປັບຄັ້ງຜ່ານມາ.
ສຳລັບແຂວງຄຳມ່ວນ ແລະ ສະຫວັນນະເຂດ ລາຄາແອັດຊັງທຳມະດາ ແມ່ນຂາຍເທົ່າກັນ 9.490 ກີບຕໍ່ລິດ, ກາຊວນ
8.450 ກີບ ຕ່າງແຕ່ນ້ຳມັນແອັດຊັງພິເສດຢູ່ລິດລະ 10.970 ກີບ ແລະ 10.910 ກີບຕາມລຳດັບ.
ແຂວງຈຳປາສັກ ແອັດຊັງພິເສດລິດໜຶ່ງ 10.910 ກີບ, ທຳມະດາ 9.500 ກີບ, ກາຊວນ 8.480 ກີບ, ສ່ວນແຂວງບໍ່
ແກ້ວ ແອັດຊັງຢູ່ 9.570 ກີບ, ກາຊວນ 8.520 ກີບ ແລະ ແຂວງຊຽງຂວາງ ແອັດຊັງ ຂາຍໃນລາຄາ 9.700 ກີບ, ກາ
ຊວນ 8.670 ກີບຕໍ່ໜຶ່ງລິດ.
ແຫລ່ງຂ່າວ: ເສດຖະກິດ – ສັງຄົມ