spot_img
Homeຂ່າວພາຍ​ໃນເຈົ້າໜ້າທີ່ ນວ 400 ກວ່າ​ສະ​ຫາຍ ເຂົ້າປ້ອງກັນຄວາມ​ລະ​ບຽບ​ຮຽບ​ຮ້ອຍ​ໃນ​ບຸນປີໃໝ່ລາວ

ເຈົ້າໜ້າທີ່ ນວ 400 ກວ່າ​ສະ​ຫາຍ ເຂົ້າປ້ອງກັນຄວາມ​ລະ​ບຽບ​ຮຽບ​ຮ້ອຍ​ໃນ​ບຸນປີໃໝ່ລາວ

Published on

ຈາລະຈອນນະຄອນຫຼວງວຽງຈັນ ກຽມພ້ອມຮອບດ້ານ ພ້ອມຮັບປະກັນການສັນຈອນໃນໄລຍະບຸນປີໃໝ່ລາວໃຫ້ມີຄວາມເປັນລະບຽບຮຽບຮ້ອຍ.

ພະແນກຈະລາຈອນ ນວ ມີແຜນວາງກຳລັງປະຈຳຈຸດຕ່າງໆ ເພື່ອເຮັດໃຫ້ຄວາມເປັນລະບຽບຮຽບຮ້ອຍຕາມເສັ້ນທາງ ພ້ອມຮຽກຮ້ອງໃຫ້ບັນດານັກຂັບຂີ່ ປະຕິບັດຕາມແຈ້ງການຄຳສັ່ງ ໂດຍສະເພາະການປະຕິບັດລະບຽບການສັນຈອນຢ່າງເຂັ້ມງວດ ເພື່ອຫຼຸດຜ່ອນການເກີດອຸບັດຕິເຫດໃນໄລຍະບຸນປີໃໝ່ລາວ.

ທ່ານ ພັທ ວິໄລພົງ ສະເໜ່ຫາ ຫົວໜ້າພະແນກຕຳຫຼວດຈະລາຈອນ  ນວ ໄດ້ຊີ້ແຈງກ່ຽວກັບການກະກຽມຄວາມພ້ອມຮັບໃຊ້ໃນໄລຍະບຸນປີໃໝ່ລາວ ພສ 2566 ໄດ້ກ່າວວ່າ: ການກຽມພ້ອມປ້ອງກັນໃນໄລຍະນີ້ ສະເພາະກຳລັງຕຳຫຼວດຈະລາຈອນ ມີ 500 ກວ່າສະຫາຍ ໃນການປ້ອງກັນນີ້ ມີ 480 ກວ່າສະຫາຍ ແລະ ໄດ້ມີຕຳຫຼວດປະຈຳຢູ່ຕາມວັດ ຫຼື ສະຖານີ່ສຳຄັນຕ່າງໆ ຢູ່ໃນນະຄອນຫຼວງ ມີ 9 ແຫ່ງ.

ນອກນັ້ນກໍໄດ້ແບ່ງໄປແຕ່ລະຈຸດ ເພື່ອອຳນວຍຄວາມສະດວກໃຫ້ແກ່ຍານພະຫະນະ ແລະ ມວນຊົນທີ່ມາຫຼິ້ນບຸນປີໃໝ່ ພ້ອມທັງໄດ້ຕັ້ງຈຸດກວດກາທັງໝົດ 6 ຈຸດ ໃນນັ້ນມີ 5 ຈຸດທີ່ຢູ່ຕະຫຼອດ 24 ຊົ່ວໂມງ ເປັນດ່ານເຂົ້າອອກລະຫວ່າງແຂວງຫາແຂວງ.

ການກະກຽມນີ້  ຈະໄດ້ສ້າງກິດຈະກຳ ໂດຍສະເພາະໄດ້ສົມທົບກັບພະແນກໂຍທາທິການ ແລະ ຂົນສົ່ງ ນວ, ບໍລິສັດນິວຈິບເຊັງ ຈະໄດ້ເປີດຂະບວນຄາລະວານ ໃນການຂັບຂີ່ປອດໄພ ໂດຍມີນັກຮຽນເຂົ້າຮ່ວມ ປະມານ 150 ກວ່າຄົນ ເຊິ່ງນ້ອງນັກຮຽນນັ້ນ ຈະໄດ້ຂັບຂີ່ລົດຈັກ ອ້ອມນະຄອນຫຼວງໃນວັນທີ 8 ເມສາ ທີ່ຈະມາເຖິງນີ້ ເພື່ອໂຄສະນາປູກຈິດສຳນຶກຄວາມປອດໄພໃນຊ່ວງບຸນປີໃໝ່ ນອກນັ້ນກໍມີການບັນຈຸກຳລັງຢູ່ສະຖານີສາຍໃຕ້ ແລະ ສາຍເໜືອ ເພື່ອໂຄສະນາສຶກສາອົບຮົມໃຫ້ແກ່ນັກຂັບຂີ່ ການນຳໃຊ້ເສັ້ນທາງ ແລະ ປ້ອງກັນການເກີດອຸບັດຕິເຫດ ເຊິ່ງມີການຕັ້ງຈຸດກວດກາຄວາມໄວ ທາດເຫຼົ້າຂອງຜູ້ຂັບຂີ່ ຖ້າພົບເຫັນ ຫຼື ລະເມີດ ກໍຈະຖືກປັບໄໝຕາມລະບຽບກົດໝາຍທີ່ວາງອອກ.

ສະເພາະທິດທາງຂອງການສັນຈອນ ໃນຂອບເຂດທີ່ມີການຈັດສັນໃນເມືອງຈັນທະບູລີ ທາງເຈົ້າໜ້າທີ່ຈະໄດ້ປິດເສັ້ນທາງເພື່ອມວນຊົນໄດ້ເຂົ້າຫຼິ້ນຢ່າງປອດໄພ ເປັນຕົ້ນແມ່ນເສັ້ນທາງຖະໜົນແຫ່ງບຸນ ກໍມີການສະແດງສິນຄ້າຫຼາຍຢ່າງ, ເສັ້ນທາງທີ 2 ແມ່ນເສັ້ນທາງເສດຖາທິລາດ ຕັ້ງແຕ່ໄຟແດງຫຼັກ 1 ໄປຫານ້ຳພຸ ຈະໄດ້ປິດຕັ້ງແຕ່ ວັນທີ 14-16 ເມສາ ເລິ່ມແຕ່ 12 ໂມງເປັນຕົ້ນໄປ.

ຍັງຂໍຮຽກຮ້ອງໃຫ້ຜູ້ສັນຈອນຖ້າວ່າບໍ່ມີຈຸດປະສົງມາທ່ຽວງານ ໃຫ້ບັນດາຜູ້ຂັບຂີ່ນຳໃຊ້ເສັ້ນທາງແຄມຂອງ ທີ່ຈະເປີດຕະຫຼອດ ແລະ ຫຼີກລ່ຽງໄປເສັ້ນທາງທີ່ມີມວນຊົນເຂົ້າຫຼິ້ນຫຼາຍ.

ເມື່ອສົມທຽບກັບປີທີ່ຜ່ານມາ ປີນີ້ຖືວ່າມີອຸບັດຕິເຫດຫຼາຍຂຶ້ນ ເພື່ອປ້ອງກັນການເກີດອຸບັດຕິເຫດຈະໄດ້ສຸມທຸກກຳລັງພ້ອມກັນການເກີດອຸບດຕິເຫດ.

ໃນມື້ແຫ່ພະພຸດທະຮູບ ເຈົ້າໜ້າທີ່ຈະໄດ້ປິດຕັ້ງແຕ່ເຂດນ້ຳພຸ ຈົນເຖິງ ໂຮງແຮງລ້ານຊ້າງ ທະນາຄານການຄ້າ ວົງວຽນໂຮງຮຽນປ່າປາສັກ ອ້ອມໄປຫາວັດອິນແປງ ຈະໄດ້ປິດເປັນໄລຍະສະເພາະເສັ້ນທາງນີ້.

ທ້າຍນີ້ ຂໍຮຽກຮ້ອງໃຫ້ບັນດາຜູ້ຂັບຂີ່ຫຼີກລ່ຽງສິ່ງທີ່ຈະເຮັດໃຫ້ເກີດອຸບັດຕິເຫດ ເມົາບໍ່ຂັບ.

ທີ່ມາ VientianeMai

ບົດຄວາມຫຼ້າສຸດ

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...