ໃນວັນທີ 31 ມີນາ 2023 ສຳນັກຂ່າວທາສ ຂອງຣັດເຊຍ ໄດ້ລາຍງານວ່າ ປະຊາຊົນໃນຂົ້ວໂລກເໜືອ ຈະສາມາດເຂົ້າເຖິງອິນເຕີເນັດໄດ້ໃນປີ 2026 ຜ່ານດາວທຽມສະຄິຟ (Skif) ຂອງຣັດເຊຍ.
ສຳນັກປະຊາສຳພັນຂອງ Sphere Congress ໃຫ້ຮູ້ວ່າ ດາວທຽມຂອງ ສະຄິຟ ຈະເລີ່ມຕົ້ນໃຫ້ບໍລິການອິນເຕີເນັດໃນອາກຕິກ ຫຼື ຂົ້ວໂລກເໜືອ ຕັ້ງແຕ່ປີ 2026.
ລາຍງານລະບຸວ່າ ແທ້ຈິງແລ້ວຂົ້ວໂລກເໜືອບໍ່ມີອິນເຕີເນັດ ແລະ ການເຂົ້າເຖິງອິນເຕີເນັດຕ້ອງໄດ້ໃຊ້ໂທລະສັບດາວທຽມຂອງອາເມຣິກາ ແຕ່ວ່າການເຂົ້າເຖິງເຄືອຂ່າຍນັ້ນຊ້າ ແລະ ມີລາຄາແພງ.
ທັ້ງນີ້ ຣັດເຊຍປະສົບຄວາມສະເລັດໃນການສົ່ງດາວທຽມ Skif-D ຂຶ້ນສູ່ວົງໂຄຈອນ ໂດຍໃຊ້ຈະລວດສົນສົ່ງ Soyuz-2.1b ໃນເດືອນຕຸລາ 2022 ໂດຍຄາດການວ່າ ຈະສົ່ງດາວທຽມສະຄິຟ ຂຶ້ນສູ່ວົງໂຄຈອນ ຈຳນວນ 8 ດວງ ເພື່ອສ້າງກຸ່ມດາວທຽມໃນອະນາຄົດ.
ແຫຼ່ງຂ່າວ CCTV