spot_img
Homeຂ່າວພາຍ​ໃນປະທານບໍລິສັດ ຊຳຊຸງ ອີເລັກໂທຣນິກສ໌ ເຂົ້າຢ້ຽມຢາມ ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ເພີ່ມທະວີຄວາມສຳພັນກັບປະເທດລາວໃຫ້ແໜ້ນແຟ້ນຍິ່ງຂຶ້ນ

ປະທານບໍລິສັດ ຊຳຊຸງ ອີເລັກໂທຣນິກສ໌ ເຂົ້າຢ້ຽມຢາມ ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ເພີ່ມທະວີຄວາມສຳພັນກັບປະເທດລາວໃຫ້ແໜ້ນແຟ້ນຍິ່ງຂຶ້ນ

Published on

ວັນ​ທີ 20 ມີນາ 2023, ທີ່​ກະຊວງ​ການ​ຕ່າງປະ​ເທດ, ທ່ານ Seunghee Park, ປະທານດ້ານການພົວພັນອົງກອນ ຂອງ ຊຳຊຸງ ອີເລັກໂທຣນິກສ໌ ​ໄດ້​​ຖືເປັນ​ກຽດເຂົ້າຢ້ຽມຢາມ ທ່ານ ສະ​ເຫຼີມ​ໄຊ ກົມ​ມະ​ສິດ, ຮອງ​ນາຍົກລັດຖະມົນຕີ, ລັດຖະມົນຕີ​ກະຊວງ​ການ​ຕ່າງປະ​ເທດ. ໃນລະຫວ່າງການຢ້ຽມຢາມ, ທ່ານ Park ໄດ້ລາຍງານກ່ຽວກັບການດຳເນີນທຸລະກິດຂອງຊຳຊຸງ ໃນ ສປປ ລາວ, ກິດຈະກໍາທີ່ສໍາຄັນຈາກ ຊຳຊຸງ ຕໍ່ກັບການສຶກສາຂອງຊາວໜຸ່ມລາວ, ພ້ອມທັງ ໃຫ້ຄໍາໝັ້ນສັນຍາຕໍ່ການພັດທະນາຢ່າງຍືນຍົງໃນອະນາຄົດ.

ທ່ານ Seunghee Park, ປະທານ ດ້ານການພົວພັນອົງກອນ ຂອງ ຊຳຊຸງ ອີເລັກໂທຣນິກສ໌ ກ່າວວ່າ: ຊໍາຊຸງ ໄດ້ເຂົ້າມາດຳເນີນທຸລະກິດໃນປະເທດລາວມາເປັນເວລາຫຼາຍກວ່າ 10 ປີແລ້ວ, ໂດຍໄດ້ມີການຮ່ວມມືກັບຄູ່ຮ່ວມງານຫຼາຍໆພາກສ່ວນ ເພື່ອນຳສະເໜີຜະລິດຕະພັນເຕັກໂນໂລຊີໃໝ່ຫຼ້າສຸດ ລວມທັງອຸປະກອນມືຖື ແລະ ເຄື່ອງມືເອເລັກໂຕຼນິກຈາກຊຳຊຸງ ເພື່ອຊີວິດການເປັນຢູ່ທີ່ດີຂອງຄົນລາວ. ພວກເຮົາຍັງໄດ້ເຮັດວຽກຮ່ວມກັບຄູ່ຮ່ວມງານຫຼາຍພາກສ່ວນ ເພື່ອປະກອບສ່ວນເຂົ້າໃນການປັບປຸງການສຶກສາຂອງໄວໜຸ່ມ ຜ່ານກິດຈະກໍາເພື່ອສັງຄົມ Love & Care ຂອງພວກເຮົາ. ນອກຈາກນັ້ນ, ພວກເຮົາກຳລັງເປີດຕົວ ສູນນະວັດຕະກຳຊຳຊຸງ ຫຼື Samsung Innovation Campus ແຫ່ງທຳອິດໃນປະເທດລາວໃນປີນີ້, ໂດຍມີຈຸດປະສົງເພື່ອສະໜອງອຸປະກອນໃຫ້ແກ່ນັກສຶກສາ ເພີ່ມທັກສະທີ່ສາມາດນຳໃຊ້ໄດ້ຈິງໃນອະນາຄົດ ແລະ ຄວາມເຂົ້າໃຈຢ່າງເລິກເຊິ່ງກ່ຽວກັບເຕັກໂນໂລຊີສະໄໝໃໝ່ທີ່ກຳລັງຈະມີບົດບາດໃນອະນາຄົດ. ພວກເຮົາເຮັດວຽກຮ່ວມກັບມະຫາວິທະຍາໄລແຫ່ງຊາດລາວ ໃນການກໍ່ສ້າງສູນດັ່ງກ່າວໃຫ້ເປັນຈິງ, ສະໜອງອຸປະກອນ,​ ລວມເຖິງພັດທະນາຫຼັກສູດການຮຽນການສອນສຳລັບນັກສຶກສາ, ເພື່ອເສີມຂະຫຍາຍຄວາມສາມາດດ້ານດິຈີຕອນຂອງໄວໜຸ່ມ ເພື່ອການພັດທະນາຂອງຄົນຮຸ່ນຫຼັງໃນປະເທດລາວ. ພິທີ​ລົງ​ນາມ​ໃນ​ບົດ​ບັນທຶກຂໍ້ຕົກລົງ​ໄດ້​ຈັດ​ຂຶ້ນ​ໃນ​ວັນ​ທີ 21 ມີນາ 2023 ທີ່ ມະຫາວິທະຍາໄລແຫ່ງຊາດລາວ ເພື່ອ​ເລີ່ມ​ຕົ້ນ​ໂຄງການ​ດັ່ງກ່າວ.

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຍັງໄດ້ຕາງໜ້າລັດຖະບານລາວ ສະແດງຄວາມຂອບໃຈຕໍ່ການປະກອບສ່ວນຂອງຊຳຊຸງ ເຂົ້າໃນການພັດທະນາເສດຖະກິດສັງຄົມ ແລະ ຊີວິດການເປັນຢູ່ຂອງຄົນລາວ. ພວກ​ເຮົາ​ໄດ້​ເຫັນ​ຫຼາຍກິດ​ຈະ​ກໍາທີ່ຊຳຊຸງ​ໄດ້ຈັດຂຶ້ນໃນ​ໄລ​ຍະ​ຜ່ານ​ມາ ​ແລະ ​ໂຄງ​ການ Samsung Innovation Campus ກໍຖືວ່າເປັນ​ການ​ລິ​ເລີ່ມ​ທີ່​ດີຫຼາຍ. ພວກເຮົາຫວັງວ່າ ການຮ່ວມມືລະຫວ່າງ ຊຳຊຸງ ແລະ ລັດຖະບານລາວ ຈະເຂັ້ມແຂງ ແລະ ແໜ້ນແຟ້ນຍິ່ງຂຶ້ນໃນອະນາຄົດ.

ຊຳຊຸງ ຍັງຖືໂອກາດດັ່ງກ່າວອະທິບາຍເພີ່ມເຕີມກ່ຽວກັບຜົນປະໂຫຍດ ແລະ ຈຸດແຂງຂອງ ປູຊານ ເມື່ອໄດ້ເປັນເຈົ້າພາບໃນການຈັດງານ World Expo 2023 ນີ້ ພາຍໃຕ້ຄຳຂວັນ, “Transforming Our World, Navigating towards a Better Future”.

ຊຳຊຸງ ອີເລັກໂທຣນິກສ໌ ເປັນຜູ້ເຂົ້າຮ່ວມຢ່າງເປັນທາງການຂອງຄະນະກໍາມະການຄັດເລືອກ ສໍາລັບງານ World Expo 2030 ທີ່ ປູຊານ, ສະໜັບສະໜຸນການຄັດເລືອກຂອງ ສ.ເກົາຫລີ ໃນການເປັນເຈົ້າພາບຈັດງານ World Expo 2030 ໃນຖານະພາກເອກະຊົນ. ເຊິ່ງໂອກາດດັ່ງກ່າວຈະມີບົດບາດສຳຄັນໃນການນຳເອົາເຕັກໂນໂລຊີ ແລະ ນະວັດຕະກຳຊັ້ນນຳຂອງທຸກມື້ນີ້ ໃຫ້ສາມາດເຂົ້າເຖິງຜູ້ຄົນໄດ້ຫຼາຍຍິ່ງຂຶ້ນ.

ບົດຄວາມຫຼ້າສຸດ

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...

ຖືກກັກໂຕແລ້ວ ຈາກກໍລະນີແພດທຳຮ້າຍຮ່າງກາຍຄົນເຈັບ ຢູ່ຫວຽດນາມ ພົບເຄື່ອງມືບໍ່ໄດ້ມາດຕະຖານ ແລະ ບໍ່ມີໃບອະນຸຍາດ

ໃນວັນທີ 11 ກັນຍາ 2025 ທີ່ຜ່ານມາ, ເຈົ້າໜ້າທີ່ຕຳຫຼວດນະຄອນໂຮຈິມິນ ປະເທດຫວຽດນາມ ໄດ້ຈັບກຸມ ນາງ ຫວຽນ ຖິ ຕ່ວນ ຈິງ (Nguyen...

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...