ຍີ່ປຸ່ນ ທົດລອງເປີດໂຮງຮຽນໃນຮ່ອມຊິບຸຢ່າ ນະຄອນຫຼວງໂຕກຽວ ທີ່ມຸ່ງເນັ້ນຄວາມສຳຄັນແກ່ເດັກນັກຮຽນທີ່ບໍ່ມັກເຂົ້າສັງຄົມ ຫຼື ມີພຶດຕິກຳສົນໃຈການຫຼິ້ນເກມຫຼາຍກວ່າເຮັດສິ່ງອື່ນໆ.
ທັ້ງນີ້ຮູບແບບຂອງໂຮງຮຽນດັ່ງກ່າວຈະຕ່າງຈາກໂຮງຮຽນທົ່ວໄປຂອງຍີ່ປຸ່ນ ນັກຮຽນບໍ່ຈຳເປັນຕ້ອງໃສ່ຊຸດນັກຮຽນ ການຮຽນເລີ່ມສອນ 10:00 ໂມງ ສອນໃນວັນຈັນ ພຸດ ສຸກ ຈະເນັ້ນການຮຽນໃຫ້ຫຼິ້ນເກມ ທີ່ມີການແຂ່ງຂັນອີສະປອດ E-Sport ສື່ດັງຕ່າງໆ ແລະ ການແລກປ່ຽນຄວາມຄິດເຫັນ ວິເຄາະຈຸດແຂັງຂອງຕົວລະຄອນໃນເກມ ຂະນະທີ່ວັນອັງຄານ ແລະ ວັນພະຫັດ ຈະເນັ້ນຫຼັກສູດການຮຽນທົ່ວໄປຕາມກະຊວງສຶກສາທິການ ຄື ຄະນິດສາດ ຊີວະວິທະຍາ ພາສາອັງກິດ ແລະ ອື່ນໆ.
ຈຸດປະສົງກໍເພື່ອ ຢາກໃຫ້ເດັກນ້ອຍຮັບຮູ້ວ່າໂຮງຮຽນເປັນສະຖານທີ່ມີຄວາມສຸກ ແລະ ມີປະໂຫຍດຕໍ່ອະນາຄົດ ທັ້ງນີ້ ຍີ່ປຸ່ນບໍ່ພຽງແຕ່ເປີດກວ້າງສຳລັບນັກຫຼິ້ນເກມມືອາຊີບ ແຕ່ຍັງສາມາດຕໍ່ຍອດໃນສາຍອື່ນໆເຊັ່ນ ນັກຂຽນໂປຣແກຣມ ດີໄຊເນີເກມ.
ແຫຼ່ງຂ່າວ The NewYork Times