ປ້າ ອາຍຸ 85 ປີ ໃນລັດຟໍລິດາ ພາໝາໄປຍ່າງຫຼິ້ນໃກ້ແຄມນ້ຳແຫ່ງໜຶ່ງ ກ່ອນທີ່ມີແຂ້ອອກມາໂຈມຕີຈົນເສຍຊີວິດ.
ໃນວັນທີ 20 ກຸມພາ 2023 ປ້າ ອາຍຸ 85 ປີ ພາໝາຂອງລາວໄປຍ່າງຫຼິ້ນແຄມນ້ຳ ໃນຊຸມຊົນສະເປນິສ ເລັກ ແຟເວສ໌ ໃນເມືອງຟອດ ພຽດສ໌ ກ່ອນທີ່ແຂ້ໂຕໜຶ່ງ ຂະໜາດ 3 ແມັດ ອອກມາໂຈມຕີລາວຈົນເສຍຊີວິດ ແລ້ວລາກລົງໄປນ້ຳ.
ປະຊາຊົນໃກ້ຄຽງທີ່ພົບເຫັນເຫດການ ບອກກັບສື່ທ້ອງຖິ່ນວ່າ ໂຕແຂ້ໂພ່ຂຶ້ນມາຈາກນ້ຳແລ້ວໂຈມຕີກັບໝາ ປ້າຄົນນີ້ຈຶ່ງພະຍາຍາມດຶງໝາອອກໄປ ເຮັດໃຫ້ແຂ້ຫັນມາໂຈມຕີປ້າຄົນນີ້ແທນ.
ຕໍ່ມາເຈົ້າໜ້າທີ່ຈຶ່ງມາຄົ້ນຫາແຂ້ໂຕນີ້ຈົນພົບ ແລະ ຈັບມັນ ພ້ອມກັບເກັບກູ້ຮ່າງຜູ້ເສຍຊີວິດຂຶ້ນມາ.
ທັ້ງນີ້ ການທີ່ໂຕແຂ້ມາທຳຮ້າຍເກີດຂຶ້ນບໍ່ຫຼາຍ ນັບຕັ້ງແຕ່ປີ 1948 ເກີດເຫດແຂ້ທຳຮ້າຍຄົນ ໂດຍບໍ່ມີການໄປກວນມັນກ່ອນ ໃນລັດນີ້ມີ 422 ຄັ້ງ ໃນນັ້ນ ເສຍຊີວິດ 26 ຄົນ.
ແຫຼ່ງຂ່າວ yahoo news