ໃນວັນທີ 10 ກຸມພາ​ 2023 ເວລາ​ ​11:22ນາທີ ໜ່ວຍກູ້ໄພໄດ້ຮັບແຈ້ງຈາກປະຊາຊົນ ວ່າມີ​ເຫດຄົນຕົກເຫວຢູ່ຈຸດຊົມວິວຜາງອຍ ບ້ານ ເມືອງງອຍເກົ່າ​ ເມືອງງອຍ ແຂວງຫລວງພະບາງ ​ ​ເມື່ອເຈົ້າໜ້າທີ່ອອກກວດສອບພົບເຫັນ ຜູ້ບາດເຈັບ 2 ຄົນເພດຊາຍ.

• ຜູ້ທີ່ 1 ຊື່ : Mr Jonathan ARBEL ອາຍຸ 24 ປີ ສັນຊາດ ISRAELI ມີບາດແຜຈີກຢູ່ເທິງຫົວ ບາດແຜຈີກຢູ່ໜ້າແຂ່ງເບື້ອງຂວາ ໜ້າແຂ່ງເບື້ອງຊ້າຍທະເຫຼີ້ນ.
• ຜູ້ທີ່ 2 ຊື່ : Mr Dor SHERF ອາຍຸ 23 ປີ ສັນຊາດ ISRAELI ມີບາດແຜກະເຫຼີ້ນຢູ່ມືເບື້ອງຂວາ ນີ້ວມືເບື້ອງຊ້າຍທະເຫຼີ້ນ.

ໂດຍທັງສອງຖືກນຳສົ່ງ ທາງອາກາດຍົນ RDPL-34186 ຂອງປະກັນໄພນັກທ່ອງທ່ຽວທັງສອງເພື່ອເດີນທາງໄປໂຮງໝໍກະເສມຣາດ.

ແຫຼ່ງຂ່າວ ໜ່ວຍກູ້ໄພສຸກເສີນອົງການກາແດງແຂວງຫຼວງພະບາງ