ຮ້ານກາເຟທີ່ຊື່ດັງລະດັບໂລກກຳລັງຈະເປີດສາຂາໃໝ່ໃນ ViewMall ທີ່ນະຄອນຫຼວງວຽງຈັນ ເຊິ່ງຮ້ານກໍໄດ້ເລີ່ມມີການໂຄສະນາເພື່ອຮັບສະໝັກພະນັກງານທີ່ຮ້ານໃໝ່.
ໃນເດືອນພະຈິກ 2022 ພາຍຫຼັງທີ່ຮ້ານ Starbucks ໄດ້ມາເປີດສາຂາທຳອິດຢູ່ໃນລາວ ເຊິ່ງເປີດທີ່ຫ້າງຊັບພະສິນຄ້າ Parkson ກໍໄດ້ປະສົບຜົນສຳເລັດຫຼາຍ ເຮັດໃຫ້ສົງຄົມໃນລາວເຮົາຕ່າງກໍສົນໃຈ ແລະ ຕື່ນເຕັ້ນທີ່ເຫັນຮ້ານກາເຟລະດັບໂລກມາເປີດຢູ່ລາວນີ້.
ພາຍຫຼັງທີ່ໄດ້ຮັບການຕອບຮັບຂອງລູກຄ້າເປັນຢ່າງດີ ທາງຮ້ານກໍມີການສົນໃຈທີ່ຈະເປີດຮ້ານເພີ່ມອີກເປັນສາຂາທີ 2 ViewMall ເຊິ່ງຕັ້ງຢູ່ເມືອງໄຊທານີ ທັ້ງນີ້ກໍມີຈຸດປະສົງເພື່ອຈະບໍລິການລູກຄ້າທີ່ຫ່າງອອກຈາກໃນເຂດຕົວເມືອງພຽງເລັກໜ້ອຍ.
ຮ້ານ Starbucks ແຫ່ງໃໝ່ນີ້ຈະເລີ່ມເປີດໃຫ້ບໍລິການໃນເດືອນມີນາ 2023 ນອກນີ້ທາງຮ້ານກໍຍັງມີແຜນທີ່ຈະຂະຫຍາຍໄປຫາເມືອງທ່ອງທ່ຽວທີ່ເປັນທີ່ນິຍົມເຊັ່ນ ຫຼວງພະບາງ ເປັນຕົ້ນ.
ໃນຂະນະທີ່ບາງຄົນ ກໍຍັງມັກກິນກາເຟພື້ນບ້ານ ແຕ່ການເປີດໂຕຂອງ Starbucks ໃນຄັ້ງນີ້ ສ້າງຄວາມຕື່ນເຕັ້ນ ແລະ ເປັນທີ່ໜ້າສັນໃຈຂອງຄົນໃນສັງຄົມລາວຈຳນວນຫຼາຍເຊັ່ນກັນ.
ແຫຼ່ງຂ່າວ The Laotian Times