spot_img
Homeຂ່າວຕ່າງປະເທດຈີນງົດອອກວີຊ່ານັກທ່ອງທ່ຽວໃຫ້ເກົາຫຼີໃຕ້-ຍີ່ປຸ່ນ ເພື່ອຕອບໂຕ້ມາດຕະການຄວບຄຸມໂຄວິດ-19

ຈີນງົດອອກວີຊ່ານັກທ່ອງທ່ຽວໃຫ້ເກົາຫຼີໃຕ້-ຍີ່ປຸ່ນ ເພື່ອຕອບໂຕ້ມາດຕະການຄວບຄຸມໂຄວິດ-19

Published on

ຈີນລະງັບການອອກວີຊ່າໄລຍະສັ້ນໃຫ້ກັບຜູ້ເດີນທາງຈາກເກົາຫຼີໃຕ້ ແລະ ຍີ່ປຸ່ນ ເພື່ອຕອບໂຕ້ການຈຳກັດດ້ານໂຄວິດຂອງ 2 ປະເທດທີ່ເຮັດຕໍ່ນັກທ່ອງທ່ຽວຈີນ.

ສຳນັກຂ່າວ abc australia news ໄດ້ລາຍງານວ່າ: ສະຖານທູດຈີນປະຈຳກຸງໂຊ ເກົາຫຼີໃຕ້ ລະບຸວ່າ ໄດ້ລະງັບການອອກວີຊ່າສຳລັບຄົນເກົາຫຼີໃຕ້ທີ່ຈະເດີນທາງເຂົ້າຈີນ ໂດຍທາງຍີ່ປຸ່ນກໍລາຍງານວ່າຈີນໄດ້ບັງຄັບໃຊ້ມາດຕະການນີ້ຄືກັນ.

ທັ້ງນີ້ ກໍເພື່ອເປັນການຕອບໂຕ້ ເຊິ່ງລັດຖະບານຈີນກ່າວວ່າ ມາດຕະການນີ້ຈະຍັງຢູ່ຕໍ່ໄປຈົນກວ່າຈະມີການຍົກເລີກຂໍ້ຈຳກັດການເຂົ້າປະເທດທີ່ເລືອກປະຕິບັດຕໍ່ຈີນ.

ໃນອາທິດແລ້ວນີ້ ເກົາຫຼີໃຕ້ໄດ້ຢຸດຕິການອອກວີຊ່ານັກທ່ອງທ່ຽວສຳລັບຜູ້ທີ່ມາຈາກຈີນ ເຊິ່ງກະຊວງການຕ່າງປະເທດຈີນກໍບໍ່ພໍໃຈກັບມາດຕະການນີ້.

ທາງດ້ານຍີ່ປຸ່ນອະນຸຍາດໃຫ້ນັກທ່ອງທ່ຽວຈີນເຂົ້າປະເທດໄດ້ແລ້ວ ຖ້າຜົນກວດໂຄວິດເປັນລົບ.

ໜ່ວຍງານຄວບຄຸມ ແລະ ປ້ອງກັນພະຍາດຂອງເກົາຫຼີໃຕ້ໄດ້ລາຍງານວ່າ ຈຳນວນ 1 ສ່ວນ 3 ຂອງຜູ້ເດີນທາງມາຈາກຈີນທັງໝົດແມ່ນຖືກກວດພົບວ່າຕິດເຊື້ອໂຄວິດ-19  ກ່ອນທີ່ຈະມີການອອກມາດຕະການຄວບຄຸມໂຄວິດ.

ມາດຕະການນີ້ຈະຖືກນຳໃຊ້ຢ່າງໜ້ອຍຈົນສິ້ນສຸດເດືອນນີ້ ເຊິ່ງເຮັດໃຫ້ນັກວິທະຍາສາດວິເຄາະສາຍພັນໃໝ່ທີ່ອາດຈະມາຈາກຈີນ.

ໃນຂະນະນີ້ ເກົາຫຼີໃຕ້ກໍອະນຸຍາດໃຫ້ພຽງແຕ່ນັກທຸລະກິດ ຫຼື ນັກການທູດຈາກຈີນເທົ່ານັ້ນທີ່ເຂົ້າປະເທດໄດ້ເຊິ່ງພວກເຂົາກໍຕ້ອງໄດ້ຮັບການກວດໂຄວິດເປັນລົບກ່ອນ.

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...