ຜ່ານການຈັດຕັ້ງປະຕິບັດເຈົ້າໜ້າທີ່ຕໍາຫຼວດວິຊາສະເພາະ ປກສ ແຂວງ ບໍລິຄໍາໄຊ ປະຕິບັດ ກວດກາ ສາມາດຈັບຕົວຜູ້ເຄື່ອນໄຫວຄ້າຂາຍ ຂົນສົ່ງ ແລະ ເສບຢາເສບຕິດມາແກ້ໄຂ ດໍາເນີນຄະດີໃນທົ່ວແຂວງມີຄະດີຢາເສບຕິດເກີດຂຶ້ນທັງໝົດ 391 ລາຍ.

ທຽບໃສ່ປີ 2021 ຜ່ານມາ ເພີ່ມຂື້ນ 111 ລາຍ ກັກຕົວຜູ້ຖືກຫາໄດ້ 600 ຄົນ, ຍີງ 48 ຄົນ, ຄົນຕ່າງປະເທດ 6 ຄົນ, ສາມາດຢຶດຂອງກາງໄດ້ ຢາບ້າ 2.676.377 ເມັດ ຢາໄອ້ 145 ກິໂລກຼາມ ຢາອີ 196 ເມັດ ເຮໂລອິນ 35,5 ກິໂລກຼາມ ຄັນຊາແຫ້ງ 8.061 ກິໂລກຼາມ ຢາຝິ່ນ 500 ກຼາມ ຢາເຄ 14 ກຼາມ ກາເຟຊອງປະສົມສານເສບຕິດ 783 ຊອງ ກາເຟປ໋ອງປະສົມສານເສບຕິດ 87 ປ໋ອງ ລົດໃຫຍ່ 23 ຄັນ ລົດຈັກ 74 ຄັນ ເຮືອຈັກຫາງຍາວ 3 ລໍາ ລະເບີດປ້ອມ 1 ໜ່ວຍ ປືນສັ້ນດັດແປງ 4 ກະບອກ ໝາກແຕກ 3 ໜ່ວຍ ແລະ ເຄື່ອງຂອງກາງອື່ນໆ ຈໍານວນໜື່ງ.

ນອກນັ້ນໄດ້ສົມທົບກັບກໍາລັງ ປກຊ ແລະ ພາກສ່ວນທີ່ກ່ຽວຂ້ອງ ລົງກວດກາ ແລະ ທໍາລາຍສວນຝິ່ນ, ສວນຄັນຊາ ໃນ 3 ເມືອງ ພູດອຍ ຄື: ທໍາລາຍສວນຝິ່ນ 17 ສວນ, ເນື້ອທີ່10,5 ເຮັກຕ່າ, ກັກຜູ້ຖືກຫາໄດ້ 3 ຄົນ ແລະ ທໍາລາຍສວນຄັນຊາໄດ້ 223 ສວນ, ເນື້ອທີ່ 178 ເຮັກຕ່າ, ກັກຜູ້ຖືກຫາໄດ້ 7 ຄົນ.

ແຫຼ່ງຂ່າວ ປ້ອງກັນຄວາມສະຫງົບ ແຂວງບໍລິຄຳໄຊ