ໃນວັນທີ 11 ທັນວາ 2022 ທີ່ຜ່ານມາ ມີຍານອະວາກາດຫຼາຍລຳທີ່ເດີນທາງໄປຫາເດືອນ ໃນນັ້ນກໍມີ ຍານລູນາແຟລຊ໌ໄລ້ ທີ່ເປັນໂຄງການຂອງນາຊາ ໄປສຳຫຼວດຫາແຫຼ່ງນ້ຳບໍລິເວນຂົ້ວໃຕ້ຂອງເດືອນ ໂດຍໃຊ້ວິທີຍິງເລເຊີອິນຟາເຣດໃສ່ເດືອນ ເພື່ອກວດຈັບລັງສີສະທ້ອນກັບມາ.
ນັກດາລາສາດເຊື່ອວ່າ ທີ່ຂົ້ວໃຕ້ຂອງເດືອນ ມີແຫຼ່ງນ້ຳຢູ່ໃກ້ກົ້ນແອ່ງທີ່ມືດ ໂດຍມີຫຼັກຖານຈາກຍານສຳຫຼວດໃນອະດີດຫຼາຍລຳ.
ເຊິ່ງພາລະກິດຂອງລູນາແຟລຊ໌ໄລ້ ຈະເນັ້ນໄປຫາແຫຼ່ງນ້ຳທີ່ມີປະລິມານຫຼາຍພໍ ເພື່ອສະກັດອອກມາໃຊ້.
ຫຼັກການຂອງລູນາແຟລຊ໌ໄລ້ທີ່ຊອກຫາແຫຼ່ງນ້ຳມີຄື ຍິງເລເຊີໄປພື້ນເດືອນ ແລ້ວວິເຄາະແສງທີ່ສະທ້ອນກັບມາ ຖ້າພື້ນເດືອນມີນ້ຳເປັນສ່ວນປະກອບ ເຊິ່ງລັງສີທີ່ສະທ້ອນກັບມາຈະຖືກຕີຄວາມໝາຍໄດ້ວ່າບ່ອນນັ້ນເປັນນ້ຳ ທີ່ອາດຢູ່ໃນຮູບແບບຂອງນ້ຳແຂງ ຫຼື ເປັນນ້ຳແຂງທີ່ຝັງຢູ່ໃນຫີນ.