ໃນວັນທີ 21 ທັນວາ ຜ່ານມາ, ການແຂ່ງຂັນກິລາບານເຕະຊາຍ ຮອບຊິງຊະນະເລີດ ໃນຊຽງຂວາງເກມ ເປັນການພົບກັນລະຫວ່າງ ນະຄອນຫຼວງວຽງຈັນພົບກັບ ແຂວງວຽງຈັນ. ພາຍຫຼັງທີ່ນະຄອນຫຼວງວຽງຈັນເຂົ້າຮອບຊິງຊະນະເລີດດ້ວຍການເອົາຊະນະແຂວງຊຽງຂວາງ ເຈົ້າພາບ 2-1 ປະຕູ ແລະ ແຂວງ ວຽງຈັນເຂົ້າຮອບຊິງຊະນະເລີດດ້ວຍການເອົາຊະນະແຂວງ ເຊກອງດ້ວຍການດວນຈຸດໂທດ 3-1.

ຜ່ານການແຂ່ງຂັນໃນເຄິ່ງເວລາທຳອິດ ທັງສອງທີມຍັງສະເໝີກັນ 0-0 ປະຕູ ຈົນການແຂ່ງຂັນດຳເນີນມາຮອດ ນາທີ 80’ ທີມແຂວງວຽງຈັນຍິງປະຕູຂຶ້ນນໍານະຄອນຫຼວງວຽງຈັນ 1-0, ໂດຍໄດ້ ປະຕູຈາກການຍິງຂອງຈິວນົນມະນີກອງໜ້າທີມວຽງຈັນ ຈົບການແຂ່ງຂັນໃນ 90 ນາທີແຂວງວຽງຈັນສ້າງປະຫວັດສາດສາມາດເອົາຊະນະນະຄອນຫຼວງວຽງຈັນ 1-0 ຄວ້າຫຼຽນຄໍາມາຄອງ. ສ່ວນນະຄອນຫຼວງຽງຈັນເຮັດໄດ້ພຽງຫຼຽນເງິນ ແລະ ແຂວງເຊກອງຍາດໄດ້ຫຼຽນທອງ.