ວັນທີ 9 ທັນວາ 2022 ລັດຖະບານຍີ່ປຸ່ນ ອັງກິດ ແລະ ອິຕາລີ ອອກຖະແຫຼງຂ່າວຮ່ວມກັນໃນວັນສຸກນີ້ ກ່ຽວກັບແຜນການພັດທະນາເຮືອບິນຂັບໄລ່ຍຸກໃໝ່ ເພື່ອຮ່ວມກັນຂັບເຄື່ອນ ແລະ ພັດທະນາສັກກະຍະພາບທາງທະຫານ ຕະຫຼອດເຖິງນະວັດຕະກຳ ແລະ ເຕັກໂນໂລຊີການທະຫານ ທີ່ກ່ຽວຂ້ອງກັບເລື່ອງ ໄພຄຸກຄາມ ແລະ ການນາບຂູ່ທາງທະຫານທີ່ມີເພີ່ມຂຶ້ນຢ່າງຕໍ່ເນື່ອງໃນທົ່ວໂລກ.
ທັ້ງນີ້ 3 ປະເທດ ໄດ້ກຳນົດເປົ້າໝາຍການພັດທະນາໃຫ້ສຳເລັດພາຍໃນປີ 2035 ໃຫ້ເປັນເຮືອບິນຂັບໄລ່ແບບສອງເຄື່ອງຈັກ ທີ່ສາມາດຫຼົບຫຼີກ ແລະ ລີ້ໂຕຈາກເຄື່ອງຈັບເລດາ ສາມາດຂັບເຄື່ອນເອງໄດ້ບາງກໍລະນີ ໂດຍບໍ່ຕ້ອງມີນັກບິນ.
ກະຊວງປ້ອງກັນປະເທດອາເມຣິກາ ອອກຖະແຫຼງການ ຮ່ວມສະແດງຄວາມສະໜັບສະໜູນຄວາມຮ່ວມມືດັ່ງກ່າວ ເຖິງວ່າຍັງບໍ່ມີການເປີດເຜີຍງົບປະມານຢ່າງຊັດເຈນ ແຕ່ມີການປະເມີນວ່າ ງົບປະມານມະຫາສານ ພາຍໃຕ້ໂຄງການ Future Combat Air System ຫຼື Tempest ທີ່ເປັນໂຄງການລະບົບເຮືອບິນສູ້ຮົບແຫ່ງອະນາຄົດ ເຊິ່ງມີ ອັງກິດ ເປັນກຳລັງຫຼັກ.
ແຫຼ່ງຂ່າວ japantimes