ປະຈຸບັນນີ້ຫລາຍຄົນນິຍົມໃຊ້ໂທລະສັບມືຖື ແລະ ແທັບເລັດແບບໜ້າຈໍສຳຜັດ ແນ່ນອນວ່າບັນຫາທີ່ມັກພົບເຈີເປັນປະຈຳນັ້ນກໍຄື “ຮອຍຂີດຫວ້າຍ” ເທິງໜ້າຈໍນັ້ນເອງ ວິທີປ້ອງກັນງ່າຍໆ ທີ່ຫລາຍຄົນມັກເຮັດກັນກໍຄື ຕິດຟີມກັນຮອຍ ຫລື ບໍ່ກໍຫາເຄດໂທລະສັບ ຫລື ເຄດແທັບເລັດມາໃສ່ເພື່ອປ້ອງກັນບັນຫາ ແຕ່ຮູ້ບໍ່ວ່າອີກສິ່ງໜຶ່ງທີ່ສາມາດຊ່ວຍລົບຮອຍຂີດໄດ້ນັ້ນກໍຄື “ຢາສີແຂ້ວ” ນັ້ນເອງ
ວິທີການໃຊ້ກໍໍບໍ່ຍາກ ພຽງແຕ່ນຳຜ້ານຸ່ມໆ ຜືນນ້ອຍໆ ຫລື ສຳລີແຜ່ນມາແລ້ວບີບຢາສີແຂ້ວລົງໄປເລັກນ້ອຍ ຈາກນັ້ນນຳໄປຂັດຖູບໍລິເວນໜ້າຈໍທີ່ມີຮອຍຂີດ ແລ້ວເຊັດອອກໃຫ້ສະອາດ ຮອຍຂີດຂ່ວນກໍຈະຈາງຫາຍໄປທັນທີເລີຍ ເຫດຜົນທີ່ຢາສີແຂ້ວຊ່ວຍລຸດຮອຍຂີດໄດ້ກໍເພາະວ່າ ໃນຢາສີແຂ້ວມີສານ Abrasives ຊຶ່ງເປັນສານທີ່ໃຊ້ຂັດພື້ນຜິວໃຫ້ລຽບນຽນ ອີກທັງຢາສີແຂ້ວຍັງມີຟູອອໄລ ຊຶ່ງເປັນສານເຄືອບແຂ້ວ ມັນຈຶ່ງສາມາດເຄືອບເຮັດໃຫ້ໜ້າຈໍລຽບນຽນຂຶ້ນໄດ້
ວີທີນີ້ສາມາດໃຊ້ໄດ້ດີກັບໜ້າຈໍພາສຕິກ ແລະ ໃຊ້ໄດ້ກັບທັງມືຖື,ແທັບເລັດ, ໜ້າປັດໂມງ ຫລື ໜ້າຈໍກ້ອງດິຈິຕອນກໍ່ໄດ້
