ນັກທ່ອງທ່ຽວອາວະກາດຄົນທຳອິດຂອງໂລກ ເດນນິສ ຕິໂຕ່ (Dennis Tito) ລົງຊື່ທົວອ້ອມດວງຈັນກັບ SpaceX ບໍລິສັດຂອງ Elon Musk.
Dennis Tito ມະຫາເສດຖີສັນຊາດອາເມຣິກາ ອາຍຸ 82 ປີ ເປັນນັກທ່ອງທ່ຽວອາວະກາດຄົນທຳອິດທີ່ໄດ້ຂຶ້ນໄປ ສຳຫຼວດຢ້ຽມຊົມເທິງສະຖານີອາວະກາດນານາຊາດ ໃນປີ 2001 ຫຼ້າສຸດລາວໄດ້ສົນໃຈທີ່ຈະອອກທົວອາວະກາດສຳຫຼວດດວງຈັນອີກ ແຕ່ເທື່ອນີ້ລາວຈະອອກໄປພ້ອມກັບ Akiko ພັນລະຍາ ອາຍຸ 57 ປີ.
ການເດີນທາງທ່ອງທ່ຽວອາວະກາດໃນຄັ້ງທຳອິດຂອງລາວໃນເທື່ອນັ້ນ Dennis ໄດ້ເດີນທາງໄປກັບຍານອາວະກາດ Soyuz TM-32 ຂອງຣັດເຊຍ ພ້ອມກັບນັກບິນອາວະກາດຄົນຣັດເຊຍອີກ 2 ຄົນ ເຊິ່ງຄ່າໃຊ້ຈ່າຍໃນຄັ້ງນັ້ມີມູນຄ່າ 20 ລ້ານໂດລາສະຫະລັດ.
ການທົວດວງຈັນໃນຄັ້ງນີ້ ເປັນການຊື້ປີ້ພຽງແຕ່ 2 ບ່ອນນັ່ງເທົ່ານັ້ນສຳລັບ Dennis ແລະ Akiko ພັນລະຍາຂອງລາວ ນັ້ນໝາຍຄວາມວ່າເທິງຍານອາວະກາດຍັງມີອີກ 10 ປາຍບ່ອນນັ່ງ ສຳລັບຜູ້ທີ່ສົນໃຈໄປທ່ຽວອີກ.
ຄ່າໃຊ້ຈ່າຍຂອງການທ່ຽວດວງຈັນໃນຄັ້ງນີ້ ຍັງບໍ່ເປີດເຜີຍລາຍລະອຽດ ແຕ່ລາວໄດ້ກ່າວວ່າ ບໍ່ເຄີຍຮູ້ສຶກເສຍໃຈທີ່ຕ້ອງຈ່າຍເງິນມະຫາສານ ເພາະຖືວ່າເປັນລາງວັນສຳລັບການເຮັດວຽກຢ່າງໜັກໃນຕະຫຼອດຊີວິດ.
ທ່ຽວບິນທົວດວງຈັນໂດຍ SpaceX ຈະເລີ່ມເດີນທາງໃນອີກ 5 ປີ ຂ້າງໜ້າ ແລະ ຕອນນີ້ Dennis ໄດ້ອາຍຸ 87 ປີ ແລະ ລາວໄດ້ກ່າວວ່າ ຈະຮັກສາສຸຂະພາບໃຫ້ດີທີ່ສຸດເພື່ອການທ່ອງທ່ຽວໃນຄັ້ງນີ້.
ແຫຼ່ງຂ່າວຈາກ Space News