spot_img
Homeຄວາມງາມ6 ວິທີ​ລຸດ​ອາການ​ທ້ອງ​ລາຍ

6 ວິທີ​ລຸດ​ອາການ​ທ້ອງ​ລາຍ

Published on

pregnantcream-minimize-stretch-marks

       ເຮົາ​ມັກ​ໄດ້ຍິນ​ສະເໝີ​ວ່າ​ທ້ອງ​ຂອງ​ເຮົາ​ຈະ​ຂະຫຍາຍ​ໄວ​ຈົນ​ເກີດ​ຮອຍ​ແຕກ ໄດ້​ເວລາ​ຖືພາ ດັ່ງ​ນັ້ນ​ຄົົນທີ່​ຖືພາຕ້ອງ​ທຳ​ໃຈ​ໄວ້​ເພາະ​ຫລີກ​ລ້ຽງ​ບໍ່​ໄດ້ ອາດຈະ​ຟັງ​ເປັນ​ຄຳ​ເວົ້າ​ທີ່​ເຊີຍ​ໄປ​ແລ້ວ​ ​ເພາະ​ເຮົາ​ກຳ​ລັງ​ຈະ​ບອກ​ທ່ານ​ວ່າ​ແທ້ໆແລ້ວ​ເຮົາ​ມີ​ວິທີ​ລຸດ​ທ້ອງ​ລາຍ​ມາ​ຝາກ​

1.ຮີບ​ປິ່ນປົວ​ອາການ​ທ້ອງ​ລາຍ​ແຕ່​ເນີ່ນໆ ສິ່ງ​ທຳອິດ​ທີ່​ຄວນ​ເຮັດ​ເພື່ອ​ກຳຈັດ​ ຫລື​ ລຸດ​ທ້ອງ​ລາຍ​ຄື​ການ​ກວດ​ເບິ່ງ​ວ່າ​ທ່ານ​ມີ​​ຮອຍ​ຈາກ​ການ​ຖືພາເກີດ​ຂຶ້ນ​ຫລື​ບໍ່ ຍິ່ງ​ທ່ານພົບ​ໄວ​ເທົ່າ​ໃດ​​ກໍ​ສາມາດ​ແກ້​ໄຂ​ບັນຫາ​ນີ້​ໃຫ້​ໝົດ​ໄປ​ໄດ້ ເພາະ​ຫາກ​ປະ​ເອົາ​ໄວ້​ຈົນ​​ຮອຍ​ຈາງ​ລົງ ທ້ອງ​ລາຍ​ອາດຈະ​ຕິດ​ຕົວ​ເຈົ້າ​ໄປ​ຈົນ​ບໍ່​ສາມາດ​ເຮັດໃຫ້​ຈາງ​ລົງ​ໄປ​ໄດ້​ເລີຍ

2.ໃຊ້​ຄີມ​ທາ​ຜິວ ໃຊ້​ຄີມ​ທາ​ຜິວ​ນວດ​ບໍລິເວນ​ໜ້າ​ທ້ອງ​ມື້​ລະ​ຫລາຍໆເທື່ອ​ເພື່ອ​ເພີ່ມ​ຄວາມ​ຊຸ່ມ​ຊື້ນ​ໃຫ້​ແກ່​ຜິວ​ໜັງ​ບໍລິເວນ​ໜ້າ​ທ້ອງ ເຖິງວ່າ​ຄີມ​ທີ່​​ໃຊ້​ຈະ​ບໍ່ແມ່ນ​ຄີມ​ສະເພາະ​ສຳລັບ​ຜິວ​ແຕ​ກ​ກໍ​ຕາມ ຫລາຍ​ຄົນ​ນິຍົມ​ໃຊ້​ຄີມ​ທີ່​ມີ​ສ່ວນ​ປະສົມ​ຂອງ​ໂຄ​ໂຄ​ບັດ​ເຕີ ແຕ່​ກໍ​ຍັງ​ບໍ່​ມີ​ຜົນ​ການ​ວິ​ໄຈ​ມາ​ຮອງ​ຮັບ​ເຖິງ​ຄຸນສົມບັດ​ຂໍ້​ນີ້ ແຕ່​ມີ​ຜົນ​ການ​ວິ​ໄຈ​ວ່າ​ຄີມ​ທີ່​ມີ​ສ່ວນ​ປະສົມ​ຂອງ​ສານ​ສະ​ກັດ​ຈາກ​ໂກ​ໂຕ​ໂຄ​ລາ ຫລື​ ທີ່​ຮູ້​ຈັກ​ກັນ​ວ່າ​ໄລ​ກອງ​ເຈນ​ ຫລື​ ວາ​ລາ​ເລຍ ວິ​ຕາ​ມິນ​ອີ​ແລະ​ຄໍ​ລາ​ເຈນ​ໄຮ​ໂດ​ໄລ​ເສດ​ມີ​ສ່ວນ​ຊ່ວຍ​ລຸດຮອຍແຕກໄດ້

3.ຂັດ​ຜິວ​ເລື້ອຍໆ ເວລາ​​ຍ່າງ​ ເລືອກ​ຊື້​ຂອງ​ຕາມ​ຫ້າງຮ້ານ​ກໍ​ຢ່າ​ລືມ​ລອງ​ແວະ​ເບິ່ງ​ຄີມ​ຂັດ​ຜິວ​ສູດ​ອ່ອນ​ໂຍນ​ທີ່​ເໝາະ​ກັບ​ສະພາບ​ຜິວ​ມາ​ລອງ​ໃຊ້​ເບິ່ງ ນອກ​ຈາກ​ນີ້​ອາດຈະ​ລອງ​ເຮັດ​ເອງ​ກໍ​ໄດ້​

4.ທານ​ວິ​ຕາ​ມິນ​ເສ​ລິມ ວິ​ຕາ​ມິນ​ອີ​ ຊ່ວຍ​​ເສີມ​ສ້າງ​ຄໍ​ລາ​ເຈນ ພຽງ​ກິນ​ວິ​ຕາ​ມິນ​ອີ​ ມື້​ລະ 1 ເມັດ ຫລື ​ນວດ​ດ້ວຍ​ນ້ຳ​ມັນ​ວິ​ຕາ​ມິນ​ອີ​ ກໍ​ສາມາດ​ຊ່ວຍ​ລຸດ​ຮອຍ​ແຕ​ກ​ໄດ້

5.ດື່ມ​ນ້ຳ​ຫລາຍ​ໆ ວິທີ​ນີ້​ຈະ​ຊ່ວຍ​ໃຫ້​ຜິວ​ຊຸ່ມ​ຊື້ນ​ ແລະ​ ຊ່ວຍ​ປ້ອງ​ກັນ​ຮອຍ​ແຕ​ກ​ໄດ້

6.ອອກ​ກຳ​ລັງ​ກາຍ​ຂະນະ​ຖືພາ ຜູ້ຍິງ​ຫລາຍ​ຄົນ​ຫລີກ​ລ້ຽງ​ການ​ອອກ​ກຳ​ລັງ​ກາຍ​ທຸກ​ຮູບ​ແບບ​ ແລະ​ ໃຊ້​ເວລາ​ສ່ວນ​ໃຫຍ່​ໄປ​ກັບ​ການ​ພັກ​ຜ່ອນ ນີ້​ອາດຈະ​ສົ່ງ​ຜົນ​ເສຍ​ຕໍ່​ສຸກຂະພາບ ​ແລະ​ ຜິວ​ໜັງ​ໄດ້ ລອງອອກ​ກຳ​ລັງ​ກາຍ​ທຸກ​ມື້​ມື້​ລະ 5 ນາ​ທີ ຫລື ​ລອງ​​ໂຍ​ຄະ​ສຳລັບ​ທ່ານ​ແມ່​ຖືພາ​ເບິ່ງ​ກໍ​ໄດ້

 

ບົດຄວາມຫຼ້າສຸດ

ບໍລິສັດຈີນອອກກົດລະບຽບຫ້າມພະນັກງານເຂົ້າຫ້ອງນ້ຳກາຍ 2 ນາທີ ຫາກຝ່າຝືນຈະຖືກຕັດເງິນເດືອນ

ບໍລິສັດຈີນອອກກົດລະບຽບຫ້າມພະນັກງານເຂົ້າຫ້ອງນ້ຳກາຍ 2 ນາທີ ສຳນັກຂ່າວ Business Standard ລາຍງານໃນວັນທີ 25 ກຸມພາ 2025 ກ່ຽວກັບເລື່ອງລາວສຸດຮືຮາ ເມື່ອບໍລິສັດແຫ່ງໜຶ່ງໃນປະເທດຈີນ ອອກກົດລະບຽບ ໃຫ້ພະນັກງານສາມາດເຂົ້າຫ້ອງນ້ຳໄດ້ພຽງຄັ້ງລະ 2...

ພິທີສະເຫຼີມສະຫຼອງ ຄົບຮອບ 30 ປີ ແຫ່ງ ການສ້າງຕັ້ງ ບໍລິສັດ ເຄພີ ຈໍາກັດ

ພິທີສະເຫຼີມສະຫຼອງ ຄົບຮອບ 30 ປີ ແຫ່ງ ການສ້າງຕັ້ງ ບໍລິສັດ ເຄພີ ຈໍາກັດ ໃນວັນທີ 21 ກຸມພາ 2025 ທີ່ຜ່ານມານີ້, ບໍລິສັດ...

ແພດໄທເປີດເຜີຍ 3 ນັກຮຽນມີອາການແໜ້ນໜ້າເອິກ ກ່ອນພົບວ່າປອດຖືກທຳລາຍເກືອບໝົດ ຍ້ອນສູບຢາສູບໄຟຟ້າ ແລະ ດື່ມນ້ຳກະທ້ອມ

ແພດໄທເປີດເຜີຍ 3 ນັກຮຽນມີອາການແໜ້ນໜ້າເອິກ ກ່ອນພົບວ່າປອດຖືກທຳລາຍເກືອບໝົດ ຍ້ອນສູບຢາສູບໄຟຟ້າ ແລະ ດື່ມນ້ຳກະທ້ອມມາເປັນເວລາ 2 ປີ. ສຳນັກຂ່າວໄທລາຍງານວ່າ: ເມື່ອວັນທີ 20 ກຸມພາ 2025 ມີການລາຍງານຈາກໜ່ວຍກູ້ໄພຕຳບົນດອນບົນ...

ລາວ-ໄທ ຮ່ວມກັນເປັນສັກຂີພະຍານໃນການລົງນາມ ແລະ ແລກປ່ຽນຂໍ້ຕົກລົງຮ່ວມກັນ 4 ສະບັບ

ນາຍົກລັດຖະມົນຕີ ລາວ-ໄທ ຮ່ວມກັນເປັນສັກຂີພະຍານໃນການລົງນາມ ແລະ ແລກປ່ຽນຂໍ້ຕົກລົງຮ່ວມກັນ 4 ສະບັບ. ໃນວັນທີ 20 ກຸມພາ ທ່ານ ສອນໄຊ ສີພັນດອນ ນາຍົກລັດຖະມົນຕີ ສປປ...