- ເຊົາເຂົ້ານອນຕອນທີ່ຜົມຍັງປຽກ
ບໍ່ສົງໄສເລີຍທີ່ຫລາຍຄົນເຕືອນວ່າ ຢ່າສະຜົມ ຫລື ບຳລຸງຜົມຕອນກາງຄືນ ເພາະໂດຍປົກກະຕິໜັງຫົວຈະແຫ້ງຊ້າກວ່າເສັ້ນຜົມຈຶ່ງອາດເກີດຄວາມອັບຊຸ່ມ ແລະ ເປັນບໍ່ເກີດຂອງເຊື້ອລາ ເຊິ່ງເປັນທີ່ມາຂອງບັນຫາຜົມຫລົ່ນ ແລະ ການຫລຸດລອກຂອງໜັງຫົວໄດ້ - ເຊົາສະຜົມທຸກມື້
ການຮັກສາຄວາມສະອາດເປັນເລື່ອງດີ ແຕ່ອາດເປັນສາເຫດໃຫ້ໜັງຫົວແຫ້ງ ເສັ້ນຜົມຫຍາບ ແຕກປາຍ ແລະ ແຕກປາຍງ່າຍເພາະສູນເສຍຄວາມຊຸ່ມຊື່ນ ສະຜົມພຽງແຕ່ 2 – 3 ມື້ຕໍ່ໜຶ່ງເທື່ອກໍພໍ
3. ເຊົາໃຫ້ຜົມຖືກກັບຄວາມຮ້ອນ
ຖ້າຈະອອກແດດເມື່ອໃດຢ່າລືມກາງຄັນຮົ່ມ ຫລື ໃສ່ໝວກເພື່ອປົກປ້ອງເສັ້ນຜົມຈາກລັງສີຢູວີ ແຕ່ບໍ່ແມ່ນພຽງແຕ່ຄວາມຮ້ອນຈາກແສງແດດເທົ່ານັ້ນ ເພາະຄວາມຮ້ອນຈາກອຸປະກອນເຮັດຜົມອັນໜີບຜົມ ຫລື ແກນມ້ວນຜົມໄຟຟ້າ ກໍອັນຕະລາຍບໍ່ແພ້ກັນເພາະເຮັດໃຫ້ເສັ້ນຜົມແຫ້ງກອບ ບາງລົງ ແລະ ສີຜົມກໍຈີດຈາງລົງ
4. ເຊົາວຸ້ນວາຍກັບຜົມເກີນໄປ
ຍິ່ງໃຊ້ນິ້ວມືວຸ້ນວາຍກັບເສັ້ນຜົມຫລາຍເທົ່າໃດ ນ້ຳມັນຈາກໜັງຫົວກໍຈະຍິ່ງອອກມາຫລາຍ ເຮັດໃຫ້ເສັ້ນຜົມລີບແປ ແນະນຳວ່າ ກ່ອນອອກຈາກເຮືອນໃຫ້ສີດສະເປຈັດແຕ່ງຊົງ ໃຊ້ນິ້ວແປງບໍລິເວນກົກຜົມໃຫ້ຍົກຂຶ້ນໜ້ອຍໜຶ່ງກໍພອ
- ເຊົາມັດຜົມຕະຫລອດເວລາ
ການມັດຜົມເຄັ່ງເປັນການດຶງຮາກຜົມໂດຍກົງ ຍິ່ງມັດໄວ້ແບບນີ້ດົນໆ ແລະ ເລື້ອຍໆ ຮາກຜົມກໍຈະເລີ່ມອ່ອນແອ ຜົມບາງ ແລະ ຫລົ່ນໄດ້ ທີ່ສຳຄັນ ຄວນຫລີກລ້ຽງການມັດຜົມ ຫລື ໃຊ້ຢາງມັດຜົມຂະນະຜົມປຽກເພາະເປັນເວລາທີ່ເສັ້ນຜົມອ່ອນແອທີ່ສຸດ