ເມື່ອ ສາວໆ ຕ້ອງມີນັດໄປສຳພາດວຽກ ກໍອາດເຮັດໃຫ້ຕື່ນເຕັ້ນຈົນບໍ່ທັນໄດ້ກຽມຕົວ ຊຶ່ງນອກຈາກການທີ່ເຈົ້າຕ້ອງກຽມຕອບຄຳຖາມ ແລະ ສ້າງຄວາມຫມັ້ນໃຈໃຫ້ກັບຕົວເອງຫລາຍໆ ແລ້ວ ກໍຍັງຕ້ອງເລືອກກຽມເສື້ອຜ້າ ແລະ ການແຕ່ງໂຕໃຫ້ດີ ເພາະການແຕ່ງຕົວດີກໍຖືວ່າມີໄຊໄປກວ່າເຄຶ່ງແລ້ວ ເອົາເປັນວ່າ ໃຜທີ່ກຳລັງຈະໄດ້ວຽກໃໝ່ແລ້ວກຳລັງຈະໄປສຳພາດໄວໆນີ້ ມາເລືອກເສື້ອຜ້າຕາມທີ່ໄດ້ແນະນຳກັນເລີຍດີກວ່າ ຮັບຮອງບໍ່ວ່າຈະຕ້ອງສຳພາດຈັກດ່ານກໍຜ່ານແນ່ນອນ
1 ເສື້ອຜ້າ ຖ້າບໍ່ຢາກແຕ່ງຕົວໄປສຳພາດວຽກແບບພາດໆ ໃຫ້ເລືອກເຄື່ອງທີ່ເບິ່ງບໍ່ໂປ໊ ແບບບໍ່ແຫກໜ້າແຫກຫລັງຈົນເກີນໄປ ຫລື ຖ້າ ກໍຄວນເລືອກໂທນສີລຽບໆສະອາດຕາ ບໍ່ຄວນເລືອກສີສັນຫລາຍເກີນໄປ
2. ເຄື່ອງປະດັບ ຢ່າຄິດທີ່ຈະໃສ່ເຄື່ອງປະດັບເຕັມໄປໝົດ ເພາະນອກຈາກຈະເຮັດໃຫ້ເບິ່ງບໍ່ຄ່ອງຕົວແລ້ວ ກໍໝັ່ນໃຈວ່າຄົນສຳພາດອາດບໍ່ປະທັບໃຈແນ່ໆ ທາງທີ່ດີເລືອກໃສ່ໂມງດີໄຊລຽບຫລູແລ້ວພາຍກະເປົ໋າທີ່ເຂົ້າກັບຊຸດ ສ່ວນເຄື່ອງປະດັບກໍເລືອກແຕ່ຕ່າງຫູນ້ອຍໆ ທີ່ເບິ່ງບໍ່ເວີ້ ກັບສະຫລ້ອຍຄໍສວຍງາມ ເທົ່ານີ້ກໍງາມພ້ອມສ້າງຄວາມປະທັບໃຈແລ້ວ
3 ເກີບ ເກີບທີ່ຈະເລືອກໃສ່ໄປໃນມື້ສຳພາດງານກໍສຳຄັນບໍ່ໜ້ອຍເລີຍ ຄວນຈະເລືອກເກີບດີໄຊນ໌ງາມ ແລະ ສະອາດ ຖ້າຈະໃຫ້ດີຄວນຈະເປັນເກີບສົ້ນສູງພໍປະມານ ຈະຊ່ວຍເສີມບຸກຄະລິກໃຫ້ເບິ່ງງາມສະຫງ່າຫລາຍຂຶ້ນ
4.ເບິ່ງແຍງພາຍນອກ ນອກຈາກການແຕ່ງຕົວຈະສຳຄັນແລ້ວ ການເບິ່ງແຍງຕົວເອງກໍສຳຄັນບໍ່ແພ້ກັນ ລອງລົງທຶນຊື້ນ້ຳຫອມກິ່ນອອ່ນໆມາສີດກ່ອນມື້ໄປສຳພາດ ບຳລຸງຜິວໃຫ້ດີດ້ວຍມອຍເຈີໄລເຊີ ແລະ ຕັດເລັບໃຫ້ສັ້ນແລະ ພຽງເທົ່ານີ້ກໍຈະຍິ່ງເສີມລຸກໃຫ້ເຈົ້າເບິ່ງດີຂຶ້ນໄປອີກ
5.ແຕ່ງໜ້າ ເຖິງວ່າຈະເປັນສາວທີ່ບໍ່ເຄີຍແຕ່ງໜ້າມາກ່ອນເລີຍ ແຕ່ກໍບໍ່ຄວນຈະເປືອຍໜ້າສົດອອກໄປສຳພາດວຽກຄວນແຕ່ງໜ້າດ້ວຍການລົງຮອງພື້ນໃຫ້ຜິວນຽນ ປັດແກ້ມໃຫ້ເບິ່ງມີສີສັນ ທາລິບກອດສີອ່ອໆ ແລ້ວປັດມາດຄາລ່າໃຫ້ດວງຕາກົມໃຫຍ່ຫລາຍຂຶ້ນ ພຽງເທົ່ານີ້ໃຜເຫັນກໍປະທັບໃຈແລ້ວ