ຣັດຊຍຈະຢຸດການສົ່ງອອກກາສໄປຫາເອີຣົບ ຈຶ່ງສົ່ງຜົນໃຫ້ລາຄາກາສເພີ່ມຂຶ້ນສູງ.

ສະຖານະການພະລັງງານຂອງເອີຣົບ ຍັງສືບຕໍ່ຊຸດໂຊມລົງ, ວັນ​ທີ 31 ສິງຫາ​ນີ້ ບໍລິສັດ​ຫຸ້ນ​ສ່ວນ​ການ​ສົ່ງ​ອອກ​ພະລັງງານ​ຂອງຣັດ​ເຊຍ “Gasprom” ປະກາດ​ຢຸດຕິ​ການ​ສົ່ງ​ອາຍ​ແກັສທຳ​ມະ​ຊາດ​ຜ່ານ​ທໍ່​ສົ່ງ “Nord Stream 1” ທີ່​ເຊື່ອມ​ຕໍ່ລະຫວ່າງ​ພາກ​ຕາ​ເວັນ​ຕົກ​ຂອງຣັດ​ເຊຍ​ ກັບ​ ພາກ​ເໜືອ​ຂອງ​ເຢຍລະ​ມັນ ​ໂດຍ​ກ່າວ​ວ່າ ລະບົບ​ດັ່ງກ່າວ​ໄດ້ຮອດໄລຍະ ການ​ບຳລຸງ​ຕາມ​ກຳນົດ​ເວລາ ການຢຸດເຊົາດັ່ງກ່າວ ຈະເລີ່ມໃນລະຫວ່າງວັນທີ 31 ສິງຫາ ຫາ ວັນທີ 3 ກັນຍາ ໂດຍບໍລິສັດພະລັງງານຂອງຣັດເຊຍ ໄດ້ປະກາດການຢຸດເຊົາການສົ່ງອາຍແກັສເປັນ 10 ມື້ໃນເດືອນກໍລະກົດ ທີ່ຜ່ານມານີ້.

ຂະນະ​ທີ່​ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ ການຢຸດເຊົາສົ່ງອາຍແກັສຊົ່ວຄາວ ພ້ອມກັບການຫຼຸດປະລິມານສົ່ງກາສ ເຊິ່ງມັນແມ່ນເຫດຜົນໜຶ່ງ ທີ່ເຮັດໃຫ້ລາຄາພະລັງງານຂອງເອີຣົບເພີ່ມຂຶ້ນສູງ ເນື່ອງຈາກອາຍແກັສທໍາມະຊາດ ແມ່ນຊັບພະຍາກອນຕົ້ນຕໍສໍາລັບການຜະລິດໄຟຟ້າຂອງເອີຣົບ ເຊິ່ງບັນຫາ​ປະລິມານຫຼຸດ​ລົງ ​ໄດ້​ເຮັດ​ໃຫ້​ບັນດາ​ປະ​ເທດ​ເອີ​ຣົບ​ ຕ້ອງ​ຮີບ​​ເກັບ​ກຳ​ອາຍ​ແກັສ ຈົນເຮັດໃຫ້ລາຄາກາສໃນ​ຕະຫຼາດ​ເພີ່ມ​ຂຶ້ນສູງ.

ແຫຼ່ງຂ່າວຈາກ Financial Times