ອາກາດລະດູໜາວທີ່ກຳລັງຈະມາຮອດນີ້ ນອກຈາກຈະເຮັດໃຫ້ເຮົາເຢັນສະບາຍແລ້ວ ແຕ່ມັນກໍຈະເຮັດໃຫ້ເຮົາເຢັນເກີນໄປ ຈົນໜ້າເຮົາແຫ້ງລອກເປັນຜຸຍໄດ້ ເພາະ ສະນັ້ນຈຶ່ງຕ້ອງມີເຄັດລັບມາບອກສາວໆ ເພື່ອລະດູໜາວນີ້ ຈະໄດ້ມີໜ້າງາມໆ ໄປທ້າລົມໜາວ
ພະຍາຍາມໃຊ້ນ້ຳລ້າໆລ້າງໜ້າຕອນເຊົ້າ ໃນໄລຍະເຊົ້າອາກາດຈະເຢັນຫລາຍກວ່າປົກກະຕິ ເພາະສະນັ້ນຄວນຫລີກລ້ຽງການໃຊ້ສະບູ ຫລື ໂຟມລ້າງໜ້າໃນໄລຍະເຊົ້າ ໃຫ້ໃຊ້ເປັນນ້ຳລ້າແທນ ແລ້ວກໍ່ຕ້ອງເປັນນ້ຳອຸນຫະພູມປົກກະຕິຈະດີກວ່າໃຊ້ນ້ຳອຸ່ນ ຖ້າຫາກໃຊ້ນ້ຳອຸ່ນອາດຈະເຮັດໃຫ້ໜ້າແຮງແຫ້ງ ແລະ ຄັນຫລາຍຍິ່ງຂຶ້ນ
- ການເລືອກໃຊ້ຜະລິດຕະພັນເຮັດຄວາມສະອາດ ຄວນເລືອກທີ່ມີຄວາມອ່ອນໂຍນຕໍ່ຜິວ ຫລືມີຄ່າ pH ທີ່ສົມດຸນ ໂດຍບໍ່ມີສ່ວນປະສົມຂອງ ແອວກໍຮໍ
- ຫ້າມຂັດໜ້າເດັດຂາດ ເພາະການຂັດຜິວໜ້ານັ້ນຈະຍິ່ງເຮັດໃຫ້ໜ້າເຮົາແຫ້ງຫລາຍຂຶ້ນໄປກວ່າເກົ່າ
- ບຳລຸງດ້ວຍມາກ ຈາກທຳມະຊາດ ດ້ວຍນ້ຳເຜິ້ງ ໝາກແຕງ ຫລື ຫວ້ານຫາງເຂ້ ພອກໃຫ້ທົ່ວໜ້າກ່ອນນອນເປັນປະຈຳ ຈະຊ່ວຍບຳລຸງຜິວທີ່ແຫ້ງຂາດນ້ຳໃຫ້ເບິ່ງງາມ ຜິວສົດຊື່ນຂຶ້ນຢ່າງເຫັນໄດ້ແຈ້ງ
- ຕ້ອງທາຄີມກັນແດດກ່ອນອອກຈາກເຮືອນ ເພາະລະດູໜາວນັ້ນແດດຈະແຮງຫລາຍໃນໄລຍະກາງເວັນ ຈະເຮັດໃຫ້ໜ້າເຮົາຍິ່ງຖືກທໍາຮ້າຍຫລາຍຂຶ້ນກວ່າເກົ່າ
- ເລືອກໃຊ້ເຄື່ອງສຳອາງໃຫ້ເໝາະກັບຄົນຜິວມັນ ອາດເປັນຮອງພື້ນ ບີບີຄີມ ຫລືແປ້ງທີ່ມີຄຸນສົມບັດເພີ່ມຄວາມຊຸ່ມຊື່ນ ແລະ ບຳລຸງຜິວມັນ ແລະ ຫລຸດການກະຕຸ້ນໃຫ້ເກີດຜື່ນຜິວໜັງອັກເສບ ຈົນເກີດເປັນຜື່ນແດງ ແລະ ລອກແຫ້ງເປັນຜຸ
ດື່ມນ້ຳໃຫ້ຫລາຍຍິ່ງຂຶ້ນ ເພື່ອເພີ່ມຄວາມຊຸ່ມຊື່ນແກ່ຜິວຈາກພາຍໃນ ນອກຈາກນັ້ນແລ້ວຍັງຄວນເລືອກກິນຜັກ ແລະ ຫມາກໄມ້ ເພື່ອເຕີມວິຕາມິນເອ ຊີ ອີ ແລະ ສານອາຫານບຳລຸງໃຫ້ງາມສົດໃສຢ່າງສະເໝີນໍາອີກ