ແນນຊີ ເພໂລຊີ ປະທານສະພາສະຫະລັດອາເມຣິກາ ຢ້ຽມເຂດບໍ່ມີທະຫານຂອງເກົາຫຼີເໜືອ-ໃຕ້ ເພື່ອເນັ້ນຍ້ຳໃນການປົດອາວຸດນິວເຄຼຍໃນເກົາຫຼີເໜືອ ກ່ອນທີ່ນາງ ເພໂລຊີ ຈະເດີນທາງໄປຍີ່ປຸ່ນ.
ສຳນັກຂ່າວ ທາງການຂອງເກົາຫຼີເໜືອ ໄດ້ລາຍງານວ່າ: ນາງ ແນນຊີ ເພໂລຊີ ປະທານສະພາສະຫະລັດອາເມຣິກາ ພ້ອມດ້ວຍຄະນະ ໄດ້ເດີນທາງໄປຢ້ຽມຊາຍແດນເຂດບໍ່ມີທະຫານຂອງເກົາຫຼີ ໃນບໍລິເວນບ້ານປັນມຸນຈອມ ຂອງຝັ່ງເກົາຫຼີໃຕ້, ເພື່ອສົ່ງສັນຍານຄວາມໜັກແໜ້ນເຖິງຄວາມຮ່ວມມືກັບເກົາຫຼີໃຕ້ ໃນຄວາມພະຍາຍາມກົດດັນເກົາຫຼີເໜືອໃຫ້ຢຸດໂຄງການພັດທະນາອາວຸດນິວເຄຼຍ.
ເຊິ່ງນາງ ແນນຊີ ເພໂລຊີ ເປັນປະທານສະພາຄົນທຳອິດຂອງອາເມຣິກາໃນຮອບ 20 ປີທີ່ມາຢ້ຽມເກົາຫຼີໃຕ້ ຫຼັງຈາກ ເດນນິສ ຮາສເທິດ ອະດີດປະທານສະພາອາເມຣິກາ ທີ່ເຄີຍມາໃນປີ 2002.