ແຜ່ນດິນໄຫວໃນຟີລິບປິນຮຸນແຮງເຖິງ 7.0 ຣິກເຕີ ທີ່ເກາະລູຊອນ ແຕ່ແຮງສັ່ນສະເທືອນມາໄກເຖິງກຸງມະນິລາ.
ໃນວັນທີ 27 ກໍລະກົດ 2022 ຈາກທາງການຟີລິບປິນ ລາຍງານຄວາມຄືບໜ້າ ທີ່ເກີດແຜ່ນດິນໄຫວຄັ້ງໃຫຍ່ຂະໜາດ 7.0 ທີ່ເກາະລູຊອນ ທາງພາກເໜືອຂອງຟີລິບປິນ ທີ່ເຮັດໃຫ້ເກີດຄວາມເສຍຫາຍແກ່ຕຶກອາຄານ, ຈາກສະຖານະການແຜ່ນດິນໄຫວ ເຮັດໃຫ້ຜູ້ຄົນໄດ້ແລ່ນໜີດ້ວຍຄວາມແຕກຕື່ນ ຂະນະທີ່ຄວາມຮຸນແຮງຂອງແຜ່ນດິນໄຫວເທື່ອນີ້ ສະເທືອນໄປຮອດມານິລາ ເມືອງຫຼວງຂອງຟີລິບປິນ ທີ່ຢູ່ໄກຈາກຈຸດແຜ່ນດິນໄຫວ 300 ກມ ຈົນເຮັດໃຫ້ປະຊາຊົນຈຳນວນຫຼາຍຕ້ອງຟ້າວອອກຈາກອາຄານບ້ານເຮືອນ.
ແຜ່ນດິນໄຫວໃນເທື່ອນີ້ກໍ່ໃຫ້ເກີດຄວາມເສຍຫາຍແກ່ອາຄານບ້ານເຮືອນ ແລະ ໂຄງສ້າງຈຳນວນຫຼາຍ ແລະ ມັນສະເທືອນໄປໄດ້ເປັນວົງກວ້າງ.