ສຳນັກຂ່າວໄອອາເອັນເອຂອງທາງການອິຣານລາຍງານວ່າ ກອງກຳລັງພິທັກປະຕິຫວັດອິດສະລາມແຫ່ງອິຣານ (IRGC) ໄດ້ຈັບກຸມໂຕຮອງ​ເອກ​ອັກຄະ​ລັດຖະທູດ​ອັງກິດ ແລະ ນັກການທູດຄົນອື່ນໆ ໃນຂໍ້ຫາຖານກະທຳການສອດແນມ ເຊິ່ງລວມເຖິງການເກັບຕົວຢ່າງດິນໃນເຂດຫວງຫ້າມ.

ໜ່ວຍຂ່າວຂອງ IRGC ໄດ້ແຜ່ຄິບວິດີໂອເຊິ່ງສະແດງໃຫ້ເຫັນພາບຂອງນັກການທູດບາງຄົນ ລວມເຖິງຮອງເອກອັກຄະລັດຖະທູດອັງກິດ ໄດ້ກະທຳການສອດແນມ ແທນທີ່ຈະປະຕິບັດພາລະກິດທາງການທູດ, ໂດຍຮອງເອກອັກຄະລັດຖະທູດອັງກິດໄດ້ເດີນທາງໄປທະເລຊາຍຊາດອດ (Shahdad) ຮ່ວມກັບຄອບຄົວຂອງເຂົາໃນຖານະນັກທ່ອງທ່ຽວ ແຕ່ຈາກພາບທີ່ບັນທຶກໄວ້ ຊາຍຜູ້ນີ້ກຳລັງເກັບຕົວຢ່າງດິນໃນບໍລິເວນນີ້ ເຊິ່ງເປັນເຂດທີ່ຫວງຫ້າມ.

ສື່ທາງພາກຕາເວັນຕົກຫຼາຍສຳນັກລາຍງານວ່າ ນັກການທູດອັງກິດທີ່ຖືບຈັບແມ່ນ ທ່ານ Whitaker ຮອງເອກອັກຄະລັດຖະທູດອັງກິດ ປະຈຳອິຣານ.