ເຈົ້າເມືອງຂອງເມືອງແຫ່ງໜຶ່ງໃນປະເທດແມັກຊິໂກ ແຕ່ງງານກັບໂຕແຂ້ໃນວັນພະຫັດທີ 30 ມິຖຸນາທີ່ຜ່ານມາ ໂດຍມີການຈັດພິທີ ແລະ ມີດົນຕີພື້ນເມືອງ, ບັນດາຜູ້ຮ່ວມງານຕ່າງຮ້ອງໃຫ້ເຈົ້າບ່າວຈູບເຈົ້າສາວ.
ອ້າງອີງຈາກ ຣອຍເຕີ ໄດ້ລາຍງານວ່າ: ໃນວັນທີ 1 ກໍລະກົດ 2022 ທ່ານວິກເຕີ ຮູໂກ ໂຊຊາ ເຈົ້າເມືອງຊານເປໂດ ອົວເມລູລາ ໄດ້ເຂົ້າພິທີແຕ່ງງານກັບເຈົ້າສາວ ເຊິ່ງເປັນໂຕແຂ້, ແຂ້ນັ້ນມີອາຍຸ 7 ປີ ເຊິ່ງເຊື່ອວ່າເປັນຕົວແທນຂອງທໍລະນີເທບ ແລະ ການແຕ່ງງານນັ້ນ ເປັນການສະແດງເຖິງການຮວມກັນຂອງຄົນກັບເທບພະເຈົ້າ ແລະ ເປັນການຂໍໃຫ້ມີຝົນທີ່ພຽງພໍ ອາຫານທີ່ພຽງພໍ ແລະ ໃຫ້ມີປາໃນນ້ຳ.
ໃນເມືອງນີ້ເປັນທີ່ຕັ້ງຂອງກຸ່ມຄົນຕ່າງໆຫຼາກຫຼາຍ ທີ່ຮັກສາພາສາ, ວັດທະນະທຳ ຮີດຄອງປະເພນີ້ ຢ່າງເຄັ່ງຄັດ.