ໃນວັນທີ 24 ມີຖຸນາ 2022 ທີ່ຜ່ານມາ, ຢູ່ທີ່ປ້ຳນ້ຳມັນສົມໃຈ ຫຼັກສິບແຂວງ ສະຫວັນນະເຂດ ໄດ້ຈັດພິທີມອບ-ຮັບນໍ້າມັນເຊື້ອໄຟ (ແອັດຊັງ) ຈໍານວນ 3.000 ລິດ ລະຫວ່າງ ກອງບັນຊາການ ຕຳຫຼວດແຂວງກວາງຈິ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ແລະ ກອງບັນຊາການ ປກສ ແຂວງສະຫວັນນະເຂດ,ສາທາລະນະລັດ ປະຊາທິປະໄຕ ປະຊາຊົນລາວ, ເພື່ອປະກອບເຂົ້າໃນການເຄື່ອນໄຫວປະຕິບັດໜ້າທີ່ວຽກງານວິຊາສະເພາະຂອງກຳລັງປ້ອງກັນຄວາມສະຫງົບພາຍໃນກຳລັງ ປກສ ສະຫວັນນະເຂດ, ຕ່າງໜ້າມອບ ໂດຍ ທ່ານ ຮອ ຫງວຽນ ຮ່າ ຟອງ ວິຊາການ ຫ້ອງການກອງບັນຊາການ ຕຳຫຼວດ ແຂວງກວາງຈິ ສສ ຫວຽດນາມ ພ້ອມຄະນະ, ກ່າວຮັບ ທ່ານ ພັອ ສັງທອງ ສີປະເສີດ ຮອງຫົວໜ້າກອງບັນຊາການ ປກສແຂວງສະຫວັນນະເຂດພ້ອມດ້ວຍຄະນະທັງສອງຝ່າຍເຂົ້າຮ່ວມເປັນສັກຂີພະຍານ.
ໃນໂອກາດດັ່ງກ່າວ ທ່ານ ພັອ ສັງທອງ ສີປະເສີດ ຮອງກອງບັນຊາການ ປກສ ແຂວງ ໄດ້ກ່າວສະແດງຄໍາຂອບໃຈມາຍັງ ຄະນະການນຳກອງບັນຊາການ ຕຳຫຼວດແຂວງກວາງຈິ ກໍ່ຄືຜູ້ນຳພັກ-ລັດ ແຫ່ງ ສສ ຫວຽດນາມ ທີ່ໄດ້ນຳເອົານ້ຳມັນເຊື້ອໄຟຊ່ວຍເຫຼືອມາມອບໃຫ້ໃນຄັ້ງນີ້, ພ້ອມທັງອວຍພອນຈົ່ງມີສຸຂະພາບແຂງແຮງ ແລະ ປະສົບຜົນສໍາເລັດໃນໜ້າທີ່ວຽກງານທີ່ພັກ-ລັດມອບໝາຍໃຫ້ ສະແດງຄວາມຍ້ອງຍໍຊົມເຊີຍທີ່ໄດ້ເປັນຫ່ວງເປັນໄຍ, ພ້ອມທັງໃຫ້ຄຳໝັ້ນສັນຍາວ່າຈະນຳເອົານ້ຳມັນດັ່ງກ່າວນີ້, ເພື່ອຈະນ້ຳໄປໃສ່ໃນການປະຕິບັດໜ້າທີ່ວຽກງານວິຊາສະເພາະໃຫ້ແກ່ພະນັກງານ-ນັກຮົບໃນກົມກອງຢ່າງທົ່ວເຖິງ ເພື່ອນຳໃຊ້ໃຫ້ເປັນປະໂຫຍດສຸງສຸດ.
ທີ່ມາ: MediaLAOS