spot_img
Homeຂ່າວຕ່າງປະເທດອິດສະລາເອວຮຽກຮ້ອງຣັດເຊຍໃຫ້ຂໍໂທດຫຼັງຈາກທີ່ໄດ້ກ່າວວ່າ “ຮິດເລີມີເຊື້ອສາຍຢິວ”

ອິດສະລາເອວຮຽກຮ້ອງຣັດເຊຍໃຫ້ຂໍໂທດຫຼັງຈາກທີ່ໄດ້ກ່າວວ່າ “ຮິດເລີມີເຊື້ອສາຍຢິວ”

Published on

ໃນວັນຈັນ ອິດສະລາເອວ ໄດ້ກ່າວໂຈມຕີຣັດເຊຍຢ່າງໜັກ ສືບເນື່ອງມາຈາກຄຳກ່າວຂອງລັດຖະມົນຕີກະຊວງການຕ່າງປະເທດຣັດເຊຍກ່ຽວກັບລັດນາຊີ ແລະ ແນວຄິດຕໍ່ຕ້ານຢິວ ລວມທັງກ່າວອ້າງວ່າ “ອະດັອບ ຮິດເລີ ເປັນຢິວ”.

ລັດຖະມົນຕີກະຊວງການຕ່າງປະເທດຣັດເຊຍ ເຊີເກ ລາຟກັອບຟ ຕອບຄຳຖາມຕໍ່ສື່ມວນຊົນອີຕາລີ ເລື່ອງການບຸກລຸກຢູເຄຣນເຊິ່ງທາງຣັດເຊຍອ້າງວ່າ: “ເປັນການກຳຈັດອິດທິພົນຂອງນາຊີໃນຢູເຄຣນ”, ໂດຍລັດຖະມົນຕີ ລາຟກັອບຟ ໄດ້ກ່າວວ່າ: “ຢູເຄຣນອາດຍັງມີອົງປະກອບຂອງຄວາມເປັນນາຊີຢູ່ ເຖິງວ່າບຸກຄົນສຳຄັນຂອງຢູເຄຣນ ລວມທັງປະທານາທິບໍດີກໍເປັນຊາວຢິວ”.

ລັດຖະມົນຕີ ລາຟກັອບຟ ໄດ້ກ່າວວ່າ: “ຮິດເລີກໍຍັງມີເຊື້ອສາຍຢິວ ດັ່ງນັ້ນເລື່ອງນີ້ບໍ່ມີຄວາມສຳຄັນແຕ່ຢ່າງໃດ”.

ອິດສະລາເອວໄດ້ເອີ້ນຕົວເອກອັກຄະລະທູດຣັດເຊຍເຂົ້າພົບເພື່ອປະທ້ວງຄວາມເຫັນດັ່ງກ່າວ ພ້ອມລະບຸວ່າຄຳເວົ້າຂອງລັດຖະມົນຕີກະຊວງການຕ່າງປະເທດຣັດເຊຍ ເປັນການກ່າວຫາຊາວຢິວວ່າກໍ່ເຫດສັງຫານລ້າງເຜົ່າພັນຊາວຢິວດ້ວຍກັນເອງໃນຊ່ວງສົງຄາມໂລກຄັ້ງທີ2.

ສຳນັກຂ່າວຣອຍເຕີລາຍງານວ່າ: “ກະຊວງການຕ່າງປະເທດອິດສະລາເອວຍັງຮຽກຮ້ອງໃຫ້ ເຄຣມລິນ ອອກມາຂໍໂທດຢ່າງເປັນທາງການ”.

ລັດຖະມົນຕີກະຊວງການຕ່າງອິດສະລາເອວ ຢາອີ ລາປິດ ໄດ້ກ່າວວ່າ “ຄຳເວົ້າຂອງຂອງລັດຖະມົນຕີ ຣາຟລອຟ ໃນຄັ້ງນີ້ບໍ່ສາມາດໃຫ້ອະໄພໄດ້, ໜ້າອັບອາຍ ແລະ ມີຄວາມຜິດພາດຢ່າງຮຸນແຮງໃນທາງປະຫວັດສາດ ແລະ ຊາວຢິວບໍ່ເຄີຍລ້າງສັງຫານເຜົ່າພັນຕົນເອງໃນສົງຄາມໂລກຄັ້ງທີ2”.

ແລະໄດ້ກ່າວປິດເພິ່ມອີກວ່າ: “ການແບ່ງແຍກເຊື້ອຊາດໃນລະດັບຕ່ຳທີ່ສຸດຂອງຊາວຢິວ ຄືການກ່າວຫາວ່າຊາວຢິວມີແນວຄິດຕໍ່ຕ້ານຊາດພັນຕົວເອງ”.

ທາງດ້ານອານຸສອນສະຖານການສັງຫານລ້າງເຜົ່າພັນຂອງອິດສະລາເອວ ຢາດ ວາເຊມ (Yad Vashem) ມີການຖະແຫຼງການວ່າ: “ຄຳກ່າວຂອງລັດຖະມົນຕີຕ່າງປະເທດຣັດເຊຍນັ້ນ ໄຮ້ສາລະ, ຫຼົງຜິດ, ອັນຕະລາຍ ແລະ ສົມຄວນຖືກປະນາມ ແລະ ລາຟກັອບຟ ພະຍາຍາມໂຄສະນາເພື່ອບິດເບືອນເຫດການສັງຫານລ້າງເຜົ່າພັນ ດ້ວຍການສະໜັບສະໜູນຄຳກ່າວອ້າງທີ່ບໍ່ມີຫຼັກຖານເລື່ອງ ຮິດເລີ ທີເຊື້ອສາຍຢິວ”.

ອານຸສອນສະຖານ ຢາດ ວາເຊມ ກ່າວວ່າ: “ສິ່ງທີ່ຮ້າຍແຮງຄືກັນ ຄືການເອີ້ນຊາວຢິວ ແລະ ປະທານາທິບໍດີ ເຊເລນສະກີ ວ່າເປັນນາຊີ ເຊິ່ງຖືວ່າເປັນການບິດເບືອນປະຫວັດສາດ ແລະ ສົບປະໝາດເຫຍື່ອຂອງລັດນາຊີ”

ໃນຊ່ວງເລີ່ມຕົ້ນສົງຄາມໃນຢູເຄຣນ ປະທານາທິບດີ ວະລາດິເມຍ ປູຕິນ ພະຍາຍາມອ້າງວ່າການບຸກລຸກຢູເຄຣນ ເປັນການລົບລ້າງອິດທິພົນ ແລະ ແນວຄິດນາຊີໃນຢູເຄຣນ ເຖິງວ່າໃນຄວາມເປັນຈິງ ຢູເຄຣນມີລັດຖະບານທີ່ມາຈາກການເລືອກຕັ້ງ ແລະ ປະທານາທິບໍດີ ເຊເລນສະກີ ເຊິ່ງມີເຊື້ອສາຍຊາວຢິວ ກໍສູນເສຍຍາດຕິພີ່ນ້ອງຫຼາຍຄົນໃນເຫດການສັງຫານລ້າງເຜົ່າພັນເຊັ່ນກັນ.

ໃນຂະນະດຽວກັນນັ້ນ, ທາງການຢູເຄຣນອອກມາປະນາມຄວາມຄິດເຫັນຂອງ ຣາຟລອຟ ເຊັ່ນກັນ ໂດຍມີທີ່ປຶກສາປະທານາທິບໍດີລະບຸວ່າ “ຣັດເຊຍພະຍາຍາມສ້າງຄວາມຊອບທຳໃນການສັງຫານໝູ່ໃນຢູເຄຣນ ດ້ວຍການຂຽນປະຫວັດສາດຂຶ້ນມາໃໝ່”.

ເຫດການດັ່ງກ່່າວນີ້ຖືເປັນການສ້າງຄວາມບາດໝາງລະຫວ່າງສອງປະເທດ ໃນຊ່ວງເວລາທີ່ອິດສະລາເອວກຳລັງສະແດງຈຸດຢືນບໍ່ເຂົ້າຂ້າງໃດໃນສົງຄາມຢູເຄຣນ ເພາະເຖິງວ່າອິດສະລາເອວໄດ້ສົ່ງຄວາມຊ່ວຍເຫຼືອດ້ານມະນຸດສະທຳໄປໃຫ້ແກ່ຢູເຄຣນ ອິດສະລາເອວກໍຍັງບໍ່ອອກມາປະນາມ ແລະ ໃຊ້ມາດຕະການລົງໂທດຣັດເຊຍຮ່ວມກັບປະເທດອື່ນໃນປະຊາຄົມໂລກເຊັ່ນກັນ.

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...