ສຳນັກຂ່າວ Bloomberg ລາຍງານວ່າ: ອີລອນ ມັສ (Elon Musk) ຜູ້ບລິຫານຄົນດັງເຂົ້າຊື້ຮຸ້ນທະວິດເຕີ້ (Twitter) ຫຼັງຈາກເຄີຍໂພສສອບຖາມກ່ຽວກັບຂັ້ນຕອນການວາງແຜນຂັ້ນພື້ນຖານມີເດຍຂອງຕົນເອງກ່ອນເຂົ້າຊື້ຮຸ້ນເປັນຈຳນວນ 9.2 %.
ປັດຈຸບັນ ອີລອນ ມັສ ໃນໄວ 50 ປີ ມີຄົນຕິດຕາມໃນທະວິດເຕີ້ຫຼາຍເຖິງ 80 ລ້ານຄົນ, ເຊິ່ງກ່ອນໜ້ານີ້ໃນການທະວິດຂອງ ອີລອນ ມັສ ໃນແຕ່ລະຄັ້ງກໍເປັນຜົນໃນແງ່ລົບຕໍ່ຜູ້ຄົນໃນວົງກວ້າງ ຈຶ່ງເຮັດໃຫ້ຄະນະກຳມະການກຳກັບຫຼັກຊັບ ແລະ ຕະຫຼາດຫຼັກຊັບຂອງສະຫະລັດ ຕ້ອງອອກກົດລະບຽບວ່າຖ້າ ອີລອນ ມັສ ຈະທະວິດປະເດັນໃດກໍ່ຕ້ອງໄດ້ຮັບຄວາມເຫັນດີຈາກຝ່າຍກົດໝາຍເສຍກ່ອນ.
ການເຂົ້າມາຖືຮຸ້ນທະວິດເຕີຂອງ ອີລອນ ມັສ ໃນຄັ້ງນີ້ເຮັດໃຫ້ລາຄາຮຸ້ນຂອງທະວິດເຕີ້ເພີ່ມຂຶ້ນເຖິງ 26 % ຢ່າງໃດກໍຕາມ ຍັງບໍ່ມີຄວາມຊັດເຈນວ່າການເຂົ້າມາຖືຮຸ້ນທະວິດເຕີ້ໃນຄັ້ງນີ້ຂອງ ອີລອນ ມັສ ຍັງບໍ່ມີໃຜຮູ້ວ່າເຂົາກຳລັງວາງແຜນທີ່ຈະເຮັດຫຍັງ.